2026 jyly almatylyqtardyń emine 360 mlrd teńge baǵyttalady
ALMATY. KAZINFORM – Almatyda 2026 jyly medıtsınalyq kómek kórsetýge 367,6 mlrd teńge baǵyttalady.
Áleýmettik medıtsınalyq saqtandyrý qorynyń Almaty qalalyq fılıalynyń málimetinshe, tegin medıtsınalyq kómektiń kepildendirilgen kólemi paketine 165 mlrd teńgeden astam qarajat qarastyrylǵan. Onyń quramyna shuǵyl jáne jedel medıtsınalyq kómek, aınaladaǵy adamdarǵa qaýip tóndiretin asa qaýipti aýrýlardy emdeý, sondaı-aq áleýmettik mańyzy bar 11 aýrý, pallıatıvtik medıtsınalyq kómek jáne qan preparattarymen qamtamasyz etý kiredi. Bul medıtsınalyq qyzmetter saqtandyrý mártebesine qaramastan barlyq azamattarǵa kórsetiledi.
Sondaı-aq mindetti áleýmettik medıtsınalyq saqtandyrý júıesindegi medıtsınalyq kómekke 202,6 mlrd teńgeden astam qarajat bólindi. 2026 jyly Almaty qalasy boıynsha Medıtsınalyq saqtandyrý qory 218 medıtsınalyq uıymmen kelisimshart jasasty. Onyń ishinde — 126 mekeme jekemenshikte.
— Almatylyqtar alǵashqy medıtsınalyq-sanıtarııalyq kómek kórsetetin 78 uıymnyń (emhanalardyń) birine tirkele alady, — dep habarlady qor fılıalynan.
Buǵan deıin Almatyda 2026 jyly MÁMS júıesine 95 myń turǵyn qosylatynyn jazǵanbyz.