2026 jyly «Almaty jastary» baǵdarlamasy qashan bastalady

ALMATY. KAZINFORM — Almaty qalasynyń «Otbasy bank» bólimshesindegi bıznesti damytý departamenti basshysynyń orynbasary Shah-Muhammed Jaqan «Almaty jastary» baǵdarlamasy qashan bastalýy múmkin ekenin aıtty.

Óńirlik kommýnıkatsııalar qyzmetiniń alańynda ótken brıfıngte BAQ ókilderiniń suraǵyna jaýap bergen ol «Almaty jastary» baǵdarlamasy bıyl naýryz aıynda bastalýy múmkin ekenin aıtty. Biraq ıpotekanyń bastalý ýaqyty áli de naqtylanady.

Al Otbasy banktiń Almaty fılıaly dırektorynyń orynbasary Kámshat Ońalbaevanyń aıtýynsha, «Almaty jastary» baǵdarlamasy arqyly byltyr 2189 almatylyq baspana satyp aldy. Baǵdarlama jasy 18-35 aralyǵyndaǵy qala turǵyndaryna arnalǵan. Joba 2017 jyly iske qosylǵaly beri 8 239 jas azamat úıli bolǵan.

— Baǵdarlamany iske asyrýǵa byltyr 46,5 mlrd teńge bólindi. Kredıt 5% mólsherlememen, bastapqy jarnasy keminde 10% bolý shartymen beriledi, — dedi ol.

Eske salaıyq, 2025 jyldan bastap «Almaty jastary» turǵyn úı baǵdarlamasy boıynsha nesıelendirý mólsheri 18 mln teńgeden 20 mln teńgege deıin ulǵaıtyldy.