2026 jyly Aqtóbede logıstıkalyq hab ashylady
ASTANA. KAZINFORM — Elimiz Túrkııamen birlesip Aqtóbede logıstıkalyq hab ashpaq. Bul týraly «Samuryq-Qazyna» ulttyq ál-aýqat qorynyń basqarma tóraǵasy Nurlan Jaqypov málim etti.
— Búgin Ankara qalasyna sapar barysynda S Sistem túrik logıstıkalyq kompanııasy basshylyǵymen kezdesý ótti. Kezdesýde bizdiń logıstıkalyq jáne tranzıttik áleýetti talqyladyq. «Samuryq-Qazyna» ál-aýqat qorynyń enshiles kompanııasy S Sistem kompanııasymen birlesken kásiporyn quryp jatyr. Birlesken joba boıynsha Aqtóbe áýejaıynda logıstıkalyq hab salynady, — dedi Nurlan Jaqypov.
Onyń aıtýynsha, atalǵan joba keler jyldyń sońyna deıin iske qosylady.
— Joba bir jaǵynan bizdiń tranzıttik áleýetimizdi arttyrady, ekinshiden qazaq-túrik qarym-qatynasyn nyǵaıtady, — deıdi ol.
Aıta keteıik, qazir Memleket basshysy Qasym-Jomart Toqaev Túrkııada resmı saparmen júr. Búgin Prezıdent S Sistem Lojistik kompanııasynyń basqarma tóraǵasymen kezdesti.
Sondaı-aq Memleket basshysy sapar barysynda YDA Holding basqarma tóraǵasy Hýseın Arslandy qabyldady.
Buǵan deıin túrkııalyq kompanııa otandyq agrojobalarǵa 160 mlrd teńge ınvestıtsııa quıatyny týraly habarlaǵan edik.