2026 jyly aqyly joldar arqyly júrý quny qansha teńge bolady
ASTANA. KAZINFORM – Bıyl elimizdegi aqyly joldardyń tarıfin kóterý máselesi qaralyp jatqan joq. Bul týraly QR Kólik mınıstrligi málim etti.
- Qazirgi ýaqytta jol júrý tarıfteri aldyn ala tólem jáne keıingi tólem kezinde kóliktiń avtomattandyrylǵan júıesinde (KAJ) jeńil kólikter úshin – 2/2,7 teńge/km, al júk kólikterine júk kótergishtigi men jol sanatyna baılanysty 8/9,7 teńge/km-den 41/48 teńge/km-ge deıingi mólsherdi qurady, – delingen vedomstvonyń Kazinform agenttigine bergen jaýabynda.
1-sanattaǵy ýchaskeler boıynsha aldyn ala tólem jáne keıingi tólem kezinde:
- jeńil avtokólikter – 2/2,7 teńge/km;
- 16 orynǵa deıingi avtobýstar jáne 2,5 tonnaǵa deıingi júk kólikteri – 8/9,7 teńge/km;
- 32 orynǵa deıingi avtobýstar jáne 5,5 tonnaǵa deıingi júk kólikteri – 16/19 teńge/km;
- 32 orynnan joǵary avtobýstar jáne 10 tonnaǵa deıingi júk kólikteri – 24/29 teńge/km;
- 15 tonnaǵa deıingi júk kólikteri – 33/39 teńge/km;
- 15 tonnadan joǵary júk kólikteri – 41/48 teńge/km.
2-sanattaǵy ýchaskeler boıynsha, aldyn ala tólem jáne keıingi tólem kezinde:
- jeńil avtokólikter – aqy alynbaıdy
- 16 orynǵa deıingi avtobýstar jáne 2,5 tonnaǵa deıingi júk avtokólikteri – 6/7,6 teńge/km;
- 32 orynǵa deıingi avtobýstar jáne 5,5 tonnaǵa deıingi júk avtokólikteri – 13/15 teńge/km;
- 32 orynnan joǵary avtobýstar jáne 10 tonnaǵa deıingi júk avtokólikteri – 19/23 teńge/km;
- 15 tonnaǵa deıingi júk avtokólikteri – 26/30,6 teńge/km;
- 15 tonnadan joǵary júk avtokólikteri – 32/38 teńge/km.
- Qazirgi ýaqytta 2026 jylǵa tarıfterdi ózgertý máselesi qarastyrylyp jatqan joq, - dep naqtylady mınıstrlik.
Buǵan deıin 2025 jyly aqyly joldardan 90 mlrd teńgege tarta qarajat jınalǵanyn jazǵan edik.