2026 jyly AEK, járdemaqy jáne aıyppuldar qalaı ózgeredi
ASTANA. KAZINFORM – 2026 jylǵy 1 qańtardan bastap Qazaqstanda aılyq eseptik kórsetkish (AEK) 4 325 teńge bolady. Bul birneshe tólemniń mólsherine áser etedi. Kazinform tilshisi járdemaqy, memlekettik baj jáne eń jıi kezdesetin quqyqbuzýshylyqtar boıynsha aıyppuldyń qanshalyqty ósetinin eseptep shyqty.
Aılyq eseptik kórsetkish (AEK) - kóptegen esepteýde qoldanylady. Memleket bıýdjetten áleýmettik tólemderdi osy kórsetkish arqyly esepteıdi, sondaı-aq aıyppuldar, memlekettik bajdar jáne basqa da mindetti tólemder osy kórsetkish arqyly alynady.
2026 jylǵy eń tanymal memlekettik bajdardyń mólsheri
- Jeke kýálik (resimdeý nemese aýystyrý) — 865 teńge (0,2 AEK);
- 16 jasqa deıingi balalarǵa arnalǵan 24 bettik QR pasporty — 17 300 teńge (4 AEK).
- 36 bettik QR pasporty — 34 600 teńge (8 AEK);
- 48 bettik QR pasporty — 51 900 teńge (12 AEK).
Memlekettik járdemaqylar
Áleýmettik tólemder ishinde AEK-ke eń aldymen bala týýy men bala kútimine baılanysty járdemaqylar, sondaı-aq memlekettik qyzmetshilerge beriletin birjolǵy kótermeaqylar jáne basqa da tólemder bar. Sondyqtan 2026 jyly AEK ósimimen birge bul somalar da artady.
Bala týýǵa baılanysty birjolǵy járdemaqy:
— birinshi, ekinshi jáne úshinshi balaǵa — 164 350 teńge (38 AEK);
— tórtinshi jáne odan da kóp balaǵa — 272 475 teńge (63 AEK).
1,5 jasqa deıingi bala kútimine arnalǵan aı saıynǵy járdemaqy:
— birinshi balaǵa — 24 912 teńge (5,76 AEK);
— ekinshi balaǵa — 29 453 teńge (6,81 AEK);
— úshinshi balaǵa — 33 951 teńge (7,85 AEK);
— tórtinshi jáne odan kóp balaǵa — 38 493 teńge (8,90 AEK).
Kópbalaly otbasylarǵa beriletin memlekettik tólemder:
— 4 bala — 69 330 teńge (16,03 AEK);
— 5 bala — 86 673 teńge (20,04 AEK):
— 6 bala — 104 016 teńge (24,05 AEK);
— 7 bala — 121 360 teńge (28,06 AEK);
— 8 jáne odan da kóp bala — ár balaǵa 17 300 teńge (4 AEK).
Jas mamandarǵa beriletin kótermeaqy da ósedi, aýyldyq jerlerge jumys isteýge qonys aýdaratyndary úshin 2026 jyly onyń mólsheri 432 500 teńge (100 AEK) bolady.
Sonymen birge turǵyn úı satyp alý nemese salý úshin beriletin bıýdjettik nesıe 10 812 500 teńgege (2 500 AEK) jetedi, jyldyq mólsherlemesi – 1%.
Áskerı qyzmetshilerdiń dalalyq tólemderi de artady, kelesi jyly olardyń mólsheri táýligine 5 190 teńge (1,2 AEK) bolmaq.
Qazaqstanda eń jıi salynatyn aıyppuldar qanshaǵa ósedi
Ákimshilik quqyqbuzýshylyqtar boıynsha aıyppuldardyń basym bóligi AEK-ke baılanǵan. Olardyń ishinde eń jıi kezdesetinderi — jol júrisi erejelerin buzý.
- «Toqtaý jáne turaq erejelerin buzý» — 21 625 teńgeden (5 AEK) 43 250 teńgege deıin (10 AEK)
Aıyppul mólsheri júrgizýshiniń kólikti trotýarǵa, kógalǵa, qoǵamdyq kólik aıaldamasyna, tyıym salynǵan belgi astyna qoıýyna nemese basqa kólikterdiń shyǵýyn bógep qalýyna baılanysty.
- «Jyldamdyq rejimin asyrý» — 21 625 teńge (5 AEK)
Belgilengen shekten +1–40 km/saǵ aralyǵynda artyq júrýge qatysty jaza qoldanylady.
- «Baǵdarsham sıgnaldaryn buzý» — 43 250 teńge (10 AEK)
Qyzylǵa ótý nemese toqtaýǵa múmkindik bola tura sary janǵanda toqtamaý jaǵdaılaryna salynatyn aıyppul.
- «Belgiler men jol tańbasynyń talaptaryn saqtamaý» — 12 975 teńge (3 AEK)
Jol belgileriniń talaptaryn oryndamaý nemese tutas syzyqty kesip ótý úshin jazylady.
- «Kólik quraldaryn paıdalaný erejelerin buzý» — 21 625 teńge (5 AEK)
Eger kólik shınalary tozǵan, faralary istemeıtin, tejegishinde aqaýy bar nemese nómiri durys ornatylmaǵan kúıde paıdalanylsa, aıyppul salynady.
- «Jolaýshylar men júkterdi tasymaldaý talaptaryn buzý» — 21 625 teńge (5 AEK)
Júrgizýshi nemese jolaýshy beldik taqpasa, mototsıklıst shlem kımese, aıyppul qarastyrylǵan.
- «Jaıaý júrginshilerdiń JQE buzýy» — 8 650 teńge (2 AEK)
Joldy ruqsat etilmegen jerden kesip ótý, baǵdarsham qyzyl janǵanda ótý nemese qozǵalysqa tyıym salynǵan jol bóliginde júrý jaǵdaılaryna qatysty jazalaý.
- «Qoǵamdyq oryndardy lastaý» — 43 250 teńge (10 AEK)
Kóshelerge, aýlalarǵa, kireberisterdiń mańyna, aıaldamalarǵa nemese ormansaıabaq aımaqtaryna qoqys tastaýǵa salynatyn aıyppul.
- «Alkogoldik ishimdikter ishý nemese qoǵamdyq oryndarǵa mas kúıinde kelý» — 21 625 teńge (5 AEK)
Aýlalarda, kireberisterde, balalar alańdarynda, kóshelerde alkogol ishý, sondaı-aq qoǵamdyq oryndarǵa mas kúıinde kelý jaǵdaılary úshin jazalaý.
- «Túngi ýaqytta tynyshtyqty buzý»
— jeke tulǵalarǵa — 21 625 teńge (5 AEK)
— shaǵyn bıznes pen ÚEU-ǵa — 43 250 teńge (10 AEK)
— orta bızneske — 64 875 teńge (15 AEK)
— iri bızneske — 216 250 teńge (50 AEK)
- «Tyıym salynǵan oryndarda temeki shegý» — 21 625 teńge (5 AEK)
Kireberisterde, balalar alańdarynda, qoǵamdyq kólikte, aıaldamalarda, ákimshilik ǵımarattarda jáne temeki shegýge tolyq tyıym salynǵan basqa da oryndarda shylym shekkeni úshin salynatyn aıyppul.
- «Usaq buzaqylyq» — 86 500 teńge (20 AEK)
Usaq buzaqylyqqa qoǵamdyq jerde balaǵat sóz aıtý, júrginshilerge tıise berý, agressıvti minez-qulyq kórsetý nemese qoǵamdyq tártipti ádeıi buzýdyń ózge de túrleri jatady.
Buǵan deıin zeınetaqy aktıvterin basqarý júıesi 2026 jyly qalaı ózgeretini týraly jazǵan edik.