2026 jylǵy shaǵyn granttar baıqaýynyń jeńimpazdary anyqtaldy
ASTANA.KAZINFORM - QR Mádenıet jáne aqparat mınıstrliginiń tapsyrysy boıynsha Azamattyq bastamalardy qoldaý ortalyǵynyń uıymdastyrýymen 2026 jylǵy shaǵyn granttar baıqaýy aıaqtaldy.
Іrikteý qorytyndysy boıynsha eń úzdik dep tanylǵan 96 jobaǵa grant bólinedi. Jeńimpazdardyń árqaısysyna óz bastamalaryn júzege asyrýǵa 1 mıllıon teńge kóleminde shaǵyn grant beriledi.
Bıyl baıqaýǵa elimizdiń barlyq óńirinen 520 ótinim tústi. Qatysýshylardyń basym bóligi tarıh pen mádenıet salasyndaǵy volonterlik, áleýmettik jáne ekologııalyq volonterlikti damytý baǵyttaryn tańdady.
Mádenıet jáne aqparat mınıstrligi málimetinshe, baıqaý bes úkimettik emes uıymnyń bazasynda uıymdastyrylyp, volonterlik qozǵalysty damytýǵa, halyqtyń áleýmettik osal toptaryn qoldaýǵa jáne aýyldyq jerlerdegi azamattyq belsendilikti arttyrýǵa baǵyttaldy.
Aıta keteıik, elimizde qolóner sheberlerine arnalǵan grant baǵdarlamasyna ótinim qabyldaý jalǵasyp jatyr.
