2026 jylǵy Mılan Olımpıadasynyń alaýyn áıgili fýtbolshy alyp júredi
ASTANA. KAZINFORM — 2026 jyly Italııanyń Mılan jáne Kortıne-d’Ampetstso qalalarynda ótetin qysqy Olımpııa oıyndarynyń alaýyn alyp júrýshilerdiń biri ataqty fýtbolshy Zlatan Ibragımovıch bolmaq, dep jazady Kazinform menshikti tilshisi.
«Mılan», PSJ jáne «Barselona» fýtbol klýbtarynda óner kórsetken Zlatan Ibragımovıch qazir «Mılannyń» qurylymynda qyzmet atqarady. Ol atalǵan klýbtyń jeıdesin 2010-2012 jáne 2020-2023 jyldary kıgen. Ony joǵarydaǵy mártebeli qatarǵa qosý — uıymdastyrýshylardyń Italııamen tyǵyz baılanysty tanymal sportshylardy alaý estafetasyna tartýǵa degen umtylysyn bildiredi.
Sonymen qatar Olımpııa alaýyn «Komo» áıelder komandasynyń fýtbolshysy Alısha Lemann da alyp júredi.
Qysqy Olımpıada 2026 jyldyń 6-22 aqpany aralyǵynda ótedi. Oǵan 93 elden 3500-den astam sportshy qatysady dep kútilýde.
Erteń, 4 jeltoqsanda, Grekııanyń Afına qalasyndaǵy «Panatınaıkos» stadıonynda Olımpııalyq alaýdy tapsyrý rásimi ótedi.
Aıta keteıik, buǵan deıin Mılan qysqy Olımpıada oıyndarynyń alaýy jaǵylǵany habarlandy.