2026 jylǵy qysqy Paralımpıada oıyndarynyń jabylý saltanaty ótti
ASTANA. KAZINFORM – Saltanatty rásim Italııanyń Kortıne-d’Ampetstso qalasyndaǵy «Stadıo Olımpıko del Gıachcho» stadıonynda boldy.
Bıyl elimiz dúbirli dodada 1 altyn, 1 qola medalǵa qol jetkizdi. Otandasymyz Erbol Hamıtov para bıatlonnan 4,5 shaqyrymdyq iz kesý jarysynda (otyryp jarysý sanaty) chempıon atansa, para shańǵy jarysynan 1 500 metrge klassıkalyq sprınt jarysynda qola júldeger atandy.
Qazaqstan quramasynyń kóshbasshylarynyń biri Erbol Hamıtov – para bıatlon men para shańǵy jarysynan álem chempıonattarynyń júldegeri jáne birneshe márte álem kýbogy kezeńderiniń jeńimpazy. 2022-2023 jylǵy maýsymda ol para shańǵy jarysynan álem chempıony atanyp, Qazaqstan tarıhynda osy jetistikke qol jetkizgen alǵashqy para sportshy boldy. Al 2024-2025 jylǵy maýsym qorytyndysy boıynsha Erbol Hamıtov para bıatlonnan álem kýbogynyń jalpy esebinde jeńiske jetip, 31 jyldan keıin Qazaqstanǵa Hrýstal globýsty qaıta ákeldi.
Qysqy Paralımpıada oıyndarynda Qazaqstan ulttyq quramasy para shańǵy jarysy men para bıatlon sport túrleri boıynsha el namysyn qorǵady. Bıylǵy dúbirli dodada Qazaqstan quramasy para shańǵy jáne para bıatlon sport túrleri boıynsha synǵa tústi.
Halyqaralyq arenada Qazaqstan atynan 7 sportshy baq synady. Olardyń qatarynda Erbol Hamıtov, Nurlan Álimov, Aleksandr Gerlıts, ıÝrıı Berezın, Vladıslav Kobal, Sergeı Ýsoltsev jáne Anna Gracheva bar.
Paralımpıada oıyndaryna 56 elden 600-den asa sportshy qatysyp, 79 medal jıyntyǵy sarapqa salyndy.
Bıyl Qysqy Paralımpıada qozǵalysynyń 50 jyldyq mereıtoıy atalyp ótedi. Alǵashqy qysqy Paralımpıada 1976 jyly Shvetsııanyń Ernsheldsvık qalasynda ótken edi.
Endi 2030 jylǵy qysqy Paralımpıada oıyndary Frantsııa Alpisinde ótedi.
Buǵan deıin Qysqy Paralımpıadada Qazaqstan quramasy medaldar kestesinde neshinshi oryn alǵanyn jazǵan edik.
