2026 jylǵy qysqy Olımpıadanyń jabylý saltanaty ótip jatyr
ASTANA. KAZINFORM – 2026 jylǵy 6-22 aqpan aralyǵynda Italııanyń Mılane-Kortına d’Ampetstso óńirinde ótken qysqy Olımpıada saltanatty túrde aıaqtaldy.
Bul is-shara kóne «Arena dı Verona» amfıteatrynda ótti. Onda sporttyq shara «Beauty in Action» («Qozǵalystaǵy sulýlyq») atty shoýymen aıaqtalady. Jabylý saltanatyna dástúr boıynsha barlyq qatysýshy elderdiń delegatsııasy qatysty. Olardyń arasynda Qazaqstan da bar. Álemniń ár qıyrynan kelgen sportshylar arenadan saltanatty túrde ótti.
Elimiz bıyl qysqy Olımpıada oıyndarynda 10 túrinen 58 medal jıyntyǵy boıynsha baq synady. Olardyń qatarynda bıatlon, konkımen júgirý, mánerlep syrǵanaý, short-trek, taý shańǵy sporty, shańǵy qossaıysy, shańǵy jarystary, shańǵymen tramplınnen sekirý, frıstaıl-mogýl jáne frıstaıl-akrobatıka bar.
2026 jylǵy qysqy Olımpıadaǵa álemniń 90-nan astam elinen shamamen 2 900-3 500 sportshy qatysty. Baıraqty básekede 16 sport túri boıynsha 116 medal jıyntyǵy sarapqa salyndy.
Qysqy Olımpıadada elimizdiń atynan mánerlep syrǵanaý sheberi Mıhaıl Shaıdorov chempıon ataǵyn jeńip aldy. Nátıjesinda qazir qazaqstandyq sportshylar jalpy komandalyq esepte 1 altyn medalmen 19-orynǵa turaqtady.
Dúbirli dodada bıyl elimizdiń atynan mánerlep syrǵanaý sheberi Mıhaıl Shaıdorov chempıon ataǵyn jeńip aldy.
Qazaqstan 1 altyn medalmen 19-orynǵa jaıǵasty.
Sońǵy ret jeńis tuǵyryna 1994 jyly qazaqstandyq shańǵyshy Vladımır Smırnov kóterilgen edi.
Dúbirli dodada álemniń 90-nan astam elinen shamamen 3 500 sportshy qatysty. Baıraqty básekede 16 sport túri boıynsha 116 medal jıyntyǵy sarapqa salyndy.
Jalpy komandalyq esepte Norvegııa 18 altyn, 12 kúmis, 11 qolamen kósh basyna shyqty. Odan keıingi oryndaǵy AQSh 12 altyn, 12 kúmis, 9 qola enshilese, úzdik úshtikti 10 altyn, 7 kúmis, 3 qolamen Nıderland túıindedi.
Bıyl qysqy Olımpıadada barlyǵy 29 memleket júldege qol jetkizdi. Mundaı múmkindikke Italııa, Germanııa, Frantsııa, Shvetsııa, Shveıtsarııa, Aýstrııa, Japonııa, Kanada, Qytaı, Ońtústik Koreıa, Aýstralııa, Ulybrıtanııa, Chehııa, Slovenııa, Ispanııa, Polsha, Jańa Zelandııa, Fınlıandııa, Latvııa, Danııa, Estonııa, Grýzııa, Bolgarııa jáne Belgııa ıe boldy.
Endi aldaǵy qysqy Olımpıada 2030 jyldyń 1-17 aqpan aralyǵynda Frantsııa Alpileri aımaǵynda (Frantsııa) ótkiziledi. Bul 2024 jyldyń 24 shildesinde ótken Frantsııa astanasy Parıjde ótken Halyqaralyq Olımpıada komıtetiniń 142-sessııasynda belgili bolǵan edi.
Eske sala keteıik, 2030 jylǵy qysqy Olımpıada qaıda ótetinin jazǵan edik.