2026 jylǵy qysqy Olımpıadada Qazaqstan týyn kimder ustap shyǵatyny anyqtaldy
ASTANA. KAZINFORM - Italııanyń Mılan qalasynda ótetin 2026 jylǵy qysqy Olımpıada oıyndarynyń ashylý saltanatynda Qazaqstan týyn kimder ustap shyǵatyny belgili boldy.
Bul saltanatty shara 2026 jyldyń 6 aqpanynda Mılan qalasyndaǵy San-Sıro stadıonynda ótkiziledi.
Elimizdiń Sport jáne dene shynyqtyrý isteri komıteti tóraǵasynyń orynbasary Nurlan Esembaev QR Týrızm jáne sport mınıstrliginiń qoǵamdyq keńesi otyrysynda tórtjyldyqtyń basty sport sharasynyń ashylý saltanatynda kimderge tý ustaý mindeti senip tapsyrylǵanyn atap ótti.
- Qysqy Olımpıada oıyndarynyń ashylý saltanatynda Qazaqstan týyn short-trekten QR halyqaralyq deńgeıdegi eńbek sińirgen sport sheberi Denıs Nıkısha, short-trekten halyqaralyq deńgeıdegi sport sheberi ıAna Han ustap shyǵady, - dedi Sport jáne dene shynyqtyrý isteri komıteti tóraǵasynyń orynbasary.
Aıta ketsek, 30 jastaǵy Denıs Nıkısha - short-trekten álem chempıonatynyń 500 metr qashyqtyqtaǵy eki dúrkin kúmis júldegeri (2024, 2025).
Al 25 jastaǵy ıAna Han - 2025 jyly estafetadan qysqy Azııa oıyndarynyń kúmis júldegeri.
Sondaı-aq Nurlan Esembaev 2026 jylǵy qysqy Olımpıadada Qazaqstan atynan 35 sportshy qatysýy josparlanyp otyrǵanyn jetkizdi. Olardyń basym bóligi Astana, Almaty qalalary, Aqmola jáne Shyǵys Qazaqstan oblystarynan bolyp otyr. Atap aıtqanda, aımaqtar boıynsha Aqmola oblysynan - 9, Astana qalasy men Shyǵys Qazaqstan oblysynan - 8, Almaty qalasy -7, Qostanaı oblysy - 5, Shymkent qalasy - 4, Pavlodar oblysy - 3, Soltústik Qazaqstan, Qaraǵandy jáne Abaı oblystarynan -1 sportshyǵa senim artylady.
- Qysqy Olımpıada oıyndaryna sapaly daıyndyqty qamtamasyz etý maqsatynda 2025 jyly bólingen qarjynyń jalpy kólemi - 13,2 mlrd teńgeni quraıdy. Onyń ishinde federatsııalar esebinen - 585,0 mln teńge, respýblıkalyq bıýdjetten - 5,3 mlrd teńge, jergilikti bıýdjetten - 6,2 mlrd teńge, oǵan qosa týrızm jáne sport ındýstrııasyn qoldaý qorynan 812,5 mln teńge qaraldy, - dedi Nurlan Esembaev.
Eske salsaq, budan buryn dúbirli dodaǵa Qazaqstan quramasynyń qalaı daıyndalyp jatqany belgili boldy.