2026 jylǵy qysqy Olımpıada joldamasyna ShQO-nyń 12 sportshysy talasady
ÓSKEMEN. KAZINFORM – Shyǵys Qazaqstan oblysynyń sportshylary 2026 jylǵy qysqy Olımpıada oıyndarynda frıstaıl, bıatlon, shańǵy jarysy, tramplınnen sekirý syndy sport túrlerinde baq synaýy múmkin.
Qysqy Olımpıada oıyndary 2026 jyldyń 6-22 aqpany aralyǵynda Italııanyń Mılan jáne Kortına-d’Ampetstso qalalarynda ótedi. Dúbirli dodada 93 elden 3 500-den astam sportshy 16 sport túri boıynsha baq synaıdy.
Shyǵys Qazaqstan sportshylary dástúrli túrde qysqy sport túrlerinen ilgeri turǵany belgili. 2022 jyly Beıjińde ótken qysqy Olımpıadada Qazaqstan quramasy sapynda óńirdiń 11 sportshysy óner kórsetken edi. Al 2026 jyly Qazaqstan namysyn Ulttyq qurama sapynda óńirdiń 12 sportshysy qorǵaýy múmkin.
– Qazirgi ýaqytta eldiń Ulttyq quramasynyń sportshylary halyqaralyq jarystar men Álem kýbogynyń kezeńderine qatysyp jatyr. Bul jarystar Olımpıada lıtsenzııalaryn jeńip alýdyń negizgi tetigi. Lıtsenzııalar sporttyq nátıjeler men jınalǵan reıtıngtik upaılar sanyna qaraı bólinedi. Italııada ótetin qysqy Olımpıada oıyndarynda Qazaqstan atynan óner kórsetetin túpkilikti quram barlyq irikteý jarystary aıaqtalǵannan keıin, ıaǵnı 25 qańtarda belgili bolady, - deıdi ShQO dene shynyqtyrý jáne sport basqarmasy basshysynyń mindetin atqarýshy Aıda Jýhanova.
Aıta keteıik, Shyǵys Qazaqstannan frıstaıl-mogýldan Olımpıada joldamasyna ıÝlııa Galysheva, Anastasııa Gorodko, Pavel Kolmakov, Aıaýlym Ámrenova, Anton Ponyrev jáne Fedor Býlgakov úmitker. Bıatlon boıynsha Olga Poltoranına, Nıkıta Akımov jáne Egor Grebenşıkov joldamaǵa talasyp jatyr. Shańǵy jarysynan Ilıas Isabek, tramplınnen sekirýden Sergeı Tkachenko, al taý shańǵysynan Zahar Kýchınniń qatysýy múmkin.
Eske salsaq, osyǵan deıin Óskemen qalasynda voleıboldan áıelder komandalary arasynda Qazaqstan kýbogynyń fınalyna shyqqan klýbtar anyqtalǵany habarlanǵan.