2026 jylǵy qajylyq: Qyrǵyzstannan alǵashqy top Mekkege qashan barady
ASTANA. KAZINFORM — Qyrǵyzstannan alǵashqy qajylyqqa barýshylar toby 11 mamyr kúni Mekkege jolǵa shyǵady, dep habarlaıdy Kabar Qyrǵyzstan musylmandary dinı basqarmasyna silteme jasap.
Mýftııat qasıetti saparǵa attanatyn árbir qyrǵyzstandyq Saýd Arabııasyna kirý kezinde belgilengen erejelerdi qatań saqtaýy tıis ekenin atap ótti. Aıtýlarynsha, bul talaptardy oryndaý sapardy jeńildetip, ýaqytty únemdeýge kómektesedi.
— Qajylyqqa baratyndar úshin eń mańyzdy qujattardyń biri — Nusuk kartasy (beıdj). Bul kartasyz Mekkege jáne qasıetti oryndarǵa kirýge ruqsat berilmeıdi. Sonymen qatar ol negizgi qyzmetterge qol jetkizýge múmkindik beredi, — delingen habarlamada.
Fızıkalyq kartany qajylyqty uıymdastyrý shtaby beredi, al onyń tsıfrlyq nusqasy Nusuk jáne Tawakkalna qosymshalarynda qoljetimdi.
Aıta keteıik, bıyl Saýd Arabııasy Qyrǵyzstanǵa qajylyqqa 6060 oryn kvotasyn bólgen.
Osydan buryn el úkimeti arnaıy kólikterge jaryq jáne dybystyq sıgnaldardy ornatý men paıdalaný tártibin bekitkenin jazdyq.
