2026 jyly kólik satyp alǵysy keletin qazaqstandyqtar neni bilýi kerek

Importqa qysym kúsheıedi

Avtosarapshy Evgenıı Kýbekovtiń aıtýyna qaraǵanda, 2026 jylǵa qatysty boljamdar birqatar ekonomıkalyq jaǵdaıǵa – ınflıatsııa deńgeıine, teńge baǵamynyń qubylýyna jáne salyqtyń kóbeıýine tikeleı baılanysty bolady. Onyń pikirinshe, 2026 jyly ımporttaýshylarǵa ońaı bolmaıyn dep tur. Buǵan birneshe sebep bar:

· qosylǵan qun salyǵynyń (QQS) ósýi;

· aılyq eseptik kórsetkishtiń (AEK) kóbeıýine baılanysty ýtılızatsııalyq alymnyń qymbattaýy;

· keıbir kólikterge «sán-saltanat salyǵynyń» engizilýi.

Onyń paıymdaýynsha, bul ózgerister shetelden ákelinetin kólikterdiń de, Qazaqstanda qurastyrylatyn kólik jıyntyqtarynyń da ózindik qunyn arttyrady. Alaıda qoljetimdi sanattaǵy modelder men jergilikti óndiristegi kólikterdiń baǵasy ázirshe aıtarlyqtaı ózgermeýi múmkin.

– Kóktemge deıin alańdaýǵa negiz joq. Qazir naryqta «satyp alýshynyń dáýiri» júrip tur. Brendter arasyndaǵy joǵary báseke baǵanyń ósýin ýaqytsha tejeıdi. Onyń ústine, dıstrıbıýtorlar men dılerlerdiń qoımasynda 2025 jyly ákelingen nemese Qazaqstanda qurastyrylǵan kólikter áli de jetkilikti, - deıdi sarapshy.

Básekelestik jáne satyp alýshyǵa qolaıly jaǵdaı 

Avtojýrnalıst Roman Maslennıkovtiń sózinshe, Qazaqstandaǵy avtokólik naryǵy qarqyndy damyp keledi. Elde avtokólik brendteri kóbeıip, dılerlik ortalyqtar artyp, al satylym kólemi ósip jatyr. Munyń bári naryqta ádil báseke qalyptastyryp, eń áýeli satyp alýshylarǵa tıimdi jaǵdaı týǵyzyp otyr.

Birneshe jyl buryn kólikterdi birden satyp alý qalypty jaǵdaı edi, al tapshylyq baǵanyń ósýine sebep boldy. Qazir jaǵdaı múlde basqa: jyl sońyna qaraı kóptegen brend aıtarlyqtaı jeńildikter usyndy. Bul – qoımalardaǵy artyq qordyń emes, satyp alýshy úshin kúsheıgen básekeniń nátıjesi.

– Dılerlik jeli keńeıip, óndiris kólemi men satylym qatar ósip otyrǵan kez kelgen naryqta baǵanyń birden kóterilýi sırek kezdesedi. Mundaı ózgeris tek valıýta baǵamynda eleýli aýytqý bolǵan jaǵdaıda ǵana múmkin. Sondyqtan qazirgi kezde naryqtaǵy negizgi báseke tutynýshy úshin júrip jatyr, - deıdi ol.

Spıkerdiń aıtýynsha, bıyl da birqatar modelge jeńildikter usynylady. Ásirese, qoımalarda uzaq ýaqyt turyp qalǵan kólikterge suranysty arttyrý úshin dılerler baǵany tómendetýge májbúr bolady. Bul – keıingi jyldary qalyptasqan úrdis, avtokólik satylymy barǵan saıyn jeńildikter men aktsııalar arqyly yntalandyrylyp keledi.

Naryqtaǵy avtokólik modelderiniń qatary keńeıip, jańa úlgiler kóbeıip keledi. Bul úderiste qytaılyq óndirýshilerdiń yqpaly erekshe baıqalady – dál osy brendter baǵany edáýir tómendetti. Sonyń nátıjesinde buqaralyq segmenttegi kólikterdiń baǵasyn kóterý is júzinde múmkin bolmaı otyr. Kez kelgen ósim satyp alýshylardy birden úrkitedi.

Qytaı avtonaryǵy qarqyndy damyp, kóp model shetelge, sonyń ishinde Eýropa elderine de eksporttala bastady.

– Qazirgi kezde naryqta qandaı da bir kúrt ózgerister bolady dep aıtýǵa negiz joq. Іri kompanııalar burynnan qalyptasqan strategııa boıynsha jumys istep jatyr. Muny satylym kólemi de kórsetip otyr, eshkim tapshylyq kórip otyrǵan joq. Jyl qorytyndysy boıynsha naryq burynǵy kórsetkishterdi qaıta eńserip, jańa rekordtar ornatady degen úmit bar. Qalaı bolǵanda da, jurt kólik alǵysy keledi, árıne, kóbine bul nesıe esebinen júzege asady, - deıdi Maslennıkov.

Sondaı-aq, Maslennıkovtyń aıtýynsha, dollardyń tıimdi baǵamy kezinde avtokólik satyp alýdy jolǵa qoıa alǵan dılerler 2026 jyly da qolaıly baǵany ustap tura alady. Jalpy alǵanda, eldegi avtonaryq turaqty damyp keledi, kúrt ózgerister baıqalmaıdy.

Ekinshi naryq álsiredi, alǵashqysy ázirge turaqty

Sarapshy Vıktor Marsakovtyń aıtýynsha, qoldanystaǵy avtokólikter naryǵynda belsendilik tómendegen. Buǵan satyp alýshylardyń qarjylaı múmkindikteriniń shekteýli bolýy negizgi sebep bolyp otyr.

Al jańa kólikterge kelsek, olardyń baǵasy byltyrmen salystyrǵanda aıtarlyqtaı ósken joq. Kerisinshe, keıbir modelder aktsııalar men jeńildikterdiń arqasynda tipti arzandap otyr.

– Bıyl baǵa mindetti túrde kóteriledi. Sebebi jańa Salyq kodeksi engizildi. Alaıda Qazaqstanda qurastyrylatyn avtokólikter tolyq óndiristik tsıklge jatpaıtyndyqtan, olardyń baǵasy birshama turaqty bolady. Jergilikti jınalǵan avtokólikter, kem degende osy jyldyń birinshi toqsanynda, qazirgi deńgeıde saqtalýy múmkin, - dep túsindirdi sarapshy.

Elektromobılderge suranys azaıa ma

Marsakovtyń paıymdaýynsha, elektromobılder naryǵynyń bolashaǵy asa jarqyn emes. Ol bul segmentte suranystyń aıtarlyqtaı óspeıtinin, kerisinshe, qyzyǵýshylyq birtindep azaıýy múmkin ekenin aıtyp otyr.

Sarapshynyń oıynsha, aldaǵy ýaqytta negizgi suranys janarmaımen júretin kólikter men gıbrıdtik modelderde bolady, al elektromobılder «modadan» shyǵa bastaıdy.

Halyq kólikti qashan satyp alǵany jón

Sarapshylardyń basym bóligi bir pikirde: dál qazir – avtokólik satyp alýǵa eń qolaıly ýaqyt. Dılerlerdiń qoımalary toly, kompanııalar qarjy jylyn jaqsy kórsetkishtermen aıaqtaýǵa tyrysyp jatyr, al keıbir brendterde jeńildikter 20 paıyzǵa deıin jáne odan da joǵary deńgeıde usynylady.

Eske salaıyq, buǵan deıin 2025 jyly qazaqstandyqtar 205 myńnan astam avtokólik satyp alǵanyn, al jeltoqsan aıynda bul kórsetkish taǵy 5 myńǵa artady dep boljanǵanyn jazǵanbyz. Alaıda bul kórsetkishterdiń artynda avtokredıt boıynsha qaryz mólsheriniń kóbeıýi, kólik baǵasynyń tómendeýi, qytaılyq óndirýshiler básekelesterin yǵystyryp, óz pozıtsııalaryn jyldam kúsheıtýi tur.