2026 jylǵy Azııa oıyndarynda Qazaqstannyń týy kóterildi
ASTANA. KAZINFORM — HH jazǵy Azııa oıyndarynyń qarsańynda Japonııada qatysýshy elderdiń ulttyq delegatsııalaryn qarsy alýǵa arnalǵan saltanatty rásim ótti.
Memlekettik týlardy kóterý rásimi úsh kúnge jalǵasty. Onyń sheshýshi úshinshi kúninde Qazaqstan, Ózbekstan, Túrikmenstan, Shrı-Lanka, Lıvan, Taıland jáne Fılıppın delegatsııalary qatysty.
Saltanatty shara barysynda qatysýshy elderdiń memlekettik týlary kóterilip, ulttyq ánurandary oryndaldy. Sondaı-aq delegatsııalar men jarys qojaıyndary ózara estelik syılyqtarmen almasty.
Іs-shara sońynda Komıtet tóraǵasynyń orynbasary Nurlan Esembaev dástúrli aǵash otyrǵyzý rásimine qatysty.
Aıta keteıik, HH jazǵy Azııa oıyndarynda Qazaqstan ulttyq quramasy sapynda 558 sportshy baq synaıdy. Otandastarymyz jarys baǵdarlamasyna engen 43 sporttyń 35 túrinen júldege talasady.
HH jazǵy Azııa oıyndary 2026 jylǵy 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi. Jekelegen jarystar Tokıo men Osaka qalalarynda, Sıdzýoka jáne Gıfý prefektýralarynda uıymdastyrylady.
Oıyndardyń resmı ashylý saltanaty 19 qyrkúıekte Nagoya City Mizuho Park Athletic Stadium stadıonynda ótedi.
Aıta ketelik Azııa oıyndary: el sportshylary buǵan deıin qaı sport túrinen úzdik nátıjege qol jetkizgeni týraly jazǵan edik.
