2026 jylǵy álem chempıonatyna qatysatyn quramalar qansha syıaqy alady
ASTANA. KAZINFORM – Halyqaralyq fýtbol qaýymdastyqtary federatsııasy (FIFA) 2026 jylǵy fýtboldan álem chempıonatynyń qorytyndysy boıynsha komandalarǵa beriletin syıaqy kólemin jarııalady.
Resmı málimetke sáıkes, álem chempıony atanǵan qurama 50 mln dollar alady. Al fınalda jeńilgen komandaǵa 33 mln dollar beriledi.
Qola júldege ıe bolǵan qurama 29 mln dollar ıelense, tórtinshi oryn alǵan komandaǵa 27 mln dollar tólenedi.
Sondaı-aq týrnırdi tómengi oryndarda aıaqtaǵan quramalarǵa da syıaqy qarastyrylǵan:
* 5–8 oryndar – 19 mln dollar;
* 9–16 oryndar – 15 mln dollar;
* 17–32 oryndar – 11 mln dollar;
* 33–48 oryndar – 9 mln dollar.
Budan bólek, FIFA álem chempıonatyna qatysatyn 48 quramanyń árqaısysyna uıymdastyrý shyǵyndaryn óteý úshin 1,5 mln dollardan bóledi.
2022 jyly Qatarda ótken álem chempıonatymen salystyrǵanda júlde qory ulǵaıyp otyr.
Máselen, 2022 jylǵy álem chempıony Argentına quramasy FIFA-dan 42 mln dollar alǵan. Al fınalǵa deıin jetken Frantsııa quramasyna 30 mln dollar tólengen.
Qola júldeger atanǵan Horvatııa quramasy 27 mln dollar ıelense, tórtinshi oryn alǵan Marokko quramasy 25 mln dollar alǵan bolatyn.
Eske salaıyq, buǵan deıin bıylǵy fýtboldan álem chempıonaty týraly negizgi derekter týraly jazǵanbyz.
