2026 jylǵa sheteldik jumys kúshi kvotasy bekitildi

ASTANA. KAZINFORM — Eńbek jáne halyqty áleýmettik qorǵaý mınıstriniń mindetin atqarýshy 2025 jylǵy 12 jeltoqsanda «Qazaqstan Respýblıkasynyń aýmaǵynda eńbek qyzmetin júzege asyrý úshin sheteldik jumys kúshin tartýǵa arnalǵan 2026 jylǵa arnalǵan kvotany belgileý týraly» buıryqqa qol qoıdy.

— Qazaqstan Respýblıkasynyń aýmaǵynda eńbek qyzmetin júzege asyrý úshin sheteldik jumys kúshin tartý kvotasy 2026 jylǵa jumys kúshi sanyna paıyzdyq qatynasta belgilendi. Jergilikti atqarýshy organdardyń jumys berýshilerge beretin ruqsattary boıynsha ol 0,25 paıyzdy, al eńbek ımmıgranttaryn tartý úshin 2,9 paıyzdy quraıdy, — delingen qujatta.

Sondaı-aq buıryqtyń 2026 jylǵy 2 qańtardan bastap qoldanysqa engiziletini kórsetilgen. 

Buǵan deıin mınıstrlik atalǵan buıryqtyń jobasyn ázirlegenin jazǵanbyz.