2026 jylǵa qaraı ár qazaqstandyqtyń elektrondyq densaýlyq pasporty bolady
ASTANA. KAZINFORM – Densaýlyq saqtaý mınıstrligi qoldanystaǵy 17 aqparattyq júıeni 6 negizgi quramdas bólikke biriktiretin E-Densaulyq ekojúıesiniń arhıtektýrasyn iske asyryp jatyr.
— Ekojúıeniń ózegi menshik nysanyna qaramastan medıtsınalyq aqparattyq júıelermen ıntegratsııalaýdyń esebinen azamattardyń barlyq medıtsınalyq derekteri jınaqtalatyn medıtsınalyq derekterdiń biryńǵaı qoımasy bolady.
2026 jylǵa qaraı azamattar ózderiniń elektrondyq densaýlyq pasporttaryna tolyqqandy qol jetkize alady, al «patsıentke derekter» qaǵıdaty medıtsınany ashyq jáne basqarylatyn etýge múmkindik beredi, — delingen DSM habarlamasynda.
Ekojúıeniń negizgi komponentteri:
● halyqty bekitý tirkelimi
● densaýlyq saqtaý resýrstaryn basqarý júıesi (kadrlardy, jabdyqtardy, lıtsenzııalardy esepke alý)
● Dári-dármekpen qamtamasyz etý AJ
● Medıtsınalyq kómekke aqy tóleýdiń biryńǵaı júıesi
— Biryńǵaı tólem júıesi osy jyldyń shilde aıynan bastap búkil el boıynsha jumys isteıtinin aıta ketken jón. Ol kórsetilgen qyzmetterdiń 100% monıtorıngin qamtamasyz etedi. Jańa júıede buzýshylyqtardy anyqtaý algorıtmderi avtomattandyrylǵan, al medıtsınalyq uıymdardyń qarsylyqtaryn sarapshylar aýmaqtan tys formatta qaraıdy, — delingen habarlamada.
Kelesi kezeńde densaýlyq saqtaý resýrstaryn basqarý júıesi iske qosylady, ol kadrlardy, tehnıka men medıtsınalyq jabdyqtardy eskere otyryp, ınfraqurylymdy damytýdy josparlaýǵa múmkindik beredi.
Barlyq ІT-sheshimder paıdalanýshylardyń úsh sanatyna baǵyttalǵan:
Azamattar úshin:
● 8 medıtsınalyq anyqtama tsıfrlyq formatqa aýystyryldy, onyń 5-i tolyǵymen qaǵaz balamasyz;
● Patsıentterdiń 80%-y «Áleýmettik ámııan» tsıfrlyq servısi arqyly ADQ sheńberinde dári-dármek alady;
● 3,5 mıllıon patsıent dári-dármekterge degen qajettilikti jeke esepteýmen qamtamasyz etilgen.
Medıtsına qyzmetkerleri úshin:
● júıelerdi biriktirý jáne qaıtalanatyn áreketterdi azaıtý arqyly personalǵa júktemeni 40%-ǵa deıin tómendetý;
● 147 medıtsınalyq uıym aýyl turǵyndaryna kómek kórsetýdi qosa alǵanda, telemedıtsına pılotyna qatysady;
● 2 AI-sheshimder (CEREBRA.AI jáne WDSOFT) ınsýlt pen sút bezi obyryn erte anyqtaý úshin praktıkaǵa engizilgen.
Jaqyn arada balalardyń, áıelderdiń jáne dınamıkalyq baqylaýdaǵy adamdardyń densaýlyǵyn tsıfrlyq monıtorıngpen qamtý josparlanyp otyr.
Jeke dárihanalar arqyly dárilik zattarmen qamtamasyz etýdi transformatsııalaýdy júrgizý.
2024 jyldan bastap MAJ patsıentterdi sáıkestendirý úshin Face ID tehnologııasyn engizdi. Qazirdiń ózinde azamattardyń 57%-y tsıfrlyq qyzmetter arqyly tirkeledi: Face ID, «Tsıfrlyq qujat» nemese patsıenttiń kody.
Aıta ketelik azamattar 2 aı ishinde qalaǵan emhanaǵa tirkele alady.