2026 jylǵa deıin 740 myń oqýshyǵa arnalǵan jańa formattaǵy 369 mektep salynady
ASTANA. KAZINFORM – Úkimette Premer-Mınıstrdiń birinshi orynbasary Roman Sklıardyń tóraǵalyǵymen ótken keńeste «Jaıly mektep» ulttyq jobasynyń iske asyrylý barysy qaraldy.
Memleket basshysynyń tapsyrmasy boıynsha elimizde «Jaıly mektep» ulttyq jobasy iske asyrylýda, onyń sheńberinde 2026 jylǵa deıin 740 myń oqýshy ornyna arnalǵan jańa formattaǵy 369 mektep salý josparlanýda. Búgingi tańda 217 mektep boıynsha qarqyndy jumys júrgizilip jatyr.
Ulttyq jobany iske asyrý kezinde bilim berý ortasynyń fýnktsıonaldyǵy men qaýipsizdigine erekshe nazar aýdarylady. Bastaýysh jáne joǵary synyp oqýshylary úshin bólek bloktar qarastyrylǵan. Talaptardyń qatarynda zamanaýı tehnıkalyq quraldardy engizý arqyly qaýipsizdik sharalaryn arttyrý, erekshe bilim berýdi qajet etetin balalar úshin kedergisiz orta qurý jáne mektepterdi zamanaýı pándik kabınettermen qamtamasyz etý kózdelgen.
Bul rette otandyq taýar óndirýshilerge basymdyq beriledi. Ulttyq jobadaǵy qazaqstandyq óndiris materıaldarynyń úlesi orta eseppen 70% quraıdy, onyń ishinde qurylys materıaldary 90%-ǵa deıin. Jıhaz ónimderi tek otandyq óndiristen qarastyrylǵan.
«Samruk-Kazyna Construction» AQ Basqarma tóraǵasy M. Aımanbetov baıandaǵandaı, alǵashqy nysandardy iske qosý belgilengen merzimnen buryn aıaqtalady. ıAǵnı, 21 jaıly mektep tamyz aıynda oqý jyly bastalǵanǵa deıin ashylady. Budan ári josparǵa sáıkes qyrkúıek aıynda 18 mektep, qazan aıynda taǵy 58 jáne jyl sońyna deıin 112 mektep ashylady. Sonymen qatar, elimizde túrli qarjy kózderi esebinen 85 mekteptiń qurylysy júrgizilýde, onyń ishinde 8 mektep paıdalanýǵa berildi jáne 30-dan astam mektepti jańa oqý jyly bastalǵanǵa deıin salý josparlanýda.
Sondaı-aq ulttyq jobanyń 2-kezeńin iske asyrý boıynsha uıymdastyrýshylyq máseleler talqylandy, atap aıtqanda, 2025 jyldyń sońyna deıin paıdalanýǵa berý merzimimen 152 jaıly mektep salý úshin merdigerlik uıymdardy anyqtaý boıynsha konkýrstardy qysqa merzimde ótkizý tapsyryldy.
Jınalys barysynda Roman Sklıar ýákiletti memlekettik organdar men uıymdarǵa otandyq óndirýshilerdi barynsha tartý, qurylystyń sapasyna qatań baqylaý jasaý, paıdalanýǵa berýdiń belgilengen josparyn saqtaý boıynsha sharalardy qamtamasyz etýdi tapsyrdy.
