2026 jyldyń naýryzyna deıin fýtbol klýbtaryn jekeshelendirý aıaqtalady — Serik Jarasbaev
ASTANA. KAZINFORM — 2026 jyldyń naýryzyna deıin fýtbol klýbtaryn jekeshelendirý aıaqtalady. Bul týraly Sport jáne týrızm vetse-mınıstri Serik Jarasbaev atty.
— Memleket basshysynyń kásibı fýtbol klýbtaryn jekeshelendirý men kommertsııalandyrýǵa qatysty óte mańyzdy tapsyrmasy bar. Ol tapsyrma ótken jyldyń naýryzynda ótken Ulttyq quryltaıda berildi. Soǵan oraı naqty jumys istelinip jatyr. Atap aıtqanda, Premer lıgada oınaıtyn 14 kásibı fýtbol klýbynyń 5-eýi qazirgi ýaqytta jekeshelendirildi. Ekeýin demeýshi izdeý baǵytynda kelissóz júrgizilip jatyr, — dedi vıtse-mınıstr Májilistiń jalpy otyrysynan keıin BAQ ókilderiniń saýalyna oraı.
Onyń aıtýynsha, elimizdiń iri kompanııalary tarapynan fýtbol klýbtaryna qyzyǵýshylyq bar.
— Olar jaı ǵana jekeshelendirip almaıdy. Olardyń aldyna atalǵan fýtbol klýbtarynyń janyna balalar fýtbol akademııasyn qurý tapsyrmasy júktelgen. Bul jumys búginde jalǵasyp jatyr. Jalpy, 2026 jyldyń naýryzyna deıin osy jumysty aıaqtaý tapsyrmasy qoıylyp otyr, — dedi ol.
Buǵan deıin Qaraǵandynyń «Shahter» fýtbol klýby aýktsıon nátıjesinde resmı túrde jekeshelendirilgen edi.