2026 jyldyń qańtarynan bastap mobıldi aýdarymdarǵa qatysty jańa talaptar engiziledi

ASTANA.KAZINFORM – 2026 jyldyń qańtarynan bastap Qazaqstanda mobıldi aýdarymdardy ákimshilendirý talaptary ózgermek. Bul týraly Qarjy mınıstrligi Memlekettik kirister komıtetiniń ókili Gúlden Hasenova málimdedi. 

Onyń aıtýynsha, 2025 jylǵy 12 qarashada Qarjy mınıstriniń buıryǵymen mobıldi aýdarymdarǵa qatysty jańa talaptar bekitilgen. Soǵan sáıkes, 2026 jyldan bastap túsimder boıynsha jańa shekti mólsher 12 eń tómengi jalaqy (ETJ) engiziledi.

– Buǵan deıin úsh aı qatarynan túrli adamdardan 100 jáne odan astam aýdarym túsken jaǵdaıda ǵana kásipkerlik qyzmet belgisi retinde qarastyrylatyn. Endi 2026 jylǵy 1 qańtardan bastap 12 eń tómengi jalaqy kólemindegi túsim lımıti qosylady. Búginde ETJ mólsheri – 85 myń teńge, – dedi Gúlden Hasenova MKK-nyń Instagram paraqshasyndaǵy tikeleı efır barysynda.

Eske sala keteıik, Memlekettik kirister komıteti Jeke tulǵalardyń kiristerin ákimshilendirý basqarmasynyń bas sarapshysy Ersaıyn Kóptileýuly mobıldi aýdarym sany men mólsheri salyq organdarynyń nazaryn aýdartqan adamdarǵa qandaı habarlama keletinin aıtty.

Sonymen qatar Qazaqstanda mobıldi aýdarym erejeleri ózgerdi.