2026 jyldyń eki aıynda Qorǵas arqyly 54 myń avtokólik eksporttaldy
ASTANA. KAZINFORM – 2026 jyldyń qańtar-aqpan aılarynda Qytaıdyń Shyńjań-Uıǵyr avtonomııalyq aýdanyndaǵy Qorǵas shekara ótkeli arqyly 54 myń kommertsııalyq avtokólik eksporttaldy, dep habarlaıdy Sınhýa.
Qorǵas kedeniniń málimetinshe, bul kórsetkish 2025 jyldyń osy kezeńimen salystyrǵanda 13,9%-ǵa joǵary jáne osy baǵyt boıynsha tarıhı maksımým sanalady.
Eksport qurylymynda jańa energetıkalyq kólikter (NEV) basym bolǵan. Mundaı avtokólikter Ortalyq Azııa elderi men Reseı naryǵynda joǵary suranysqa ıe.
Eksport kóleminiń ósýine baılanysty jergilikti keden organdary rásimdeý protsesin jeńildetip, táýlik boıy jumys isteıtin 24/7 rejımin engizgen. Bul kólikterdi shekaradan ótkizý ýaqytyn qysqartyp, logıstıkany jedeldetýge múmkindik berip otyr.
Qorǵas halyqaralyq ekspedıtorlyq «Haochen» kompanııasynyń bas dırektory Lıan Haonyń aıtýynsha, bıylǵy eki aıda olardyń kompanııasy osy ótkizý pýnkti arqyly 900-den astam avtokólik eksporttaǵan.
– Biz tek Ortalyq Azııa elderine ǵana emes, Reseı naryǵyna da jetkizýdi jolǵa qoıdyq. Reseıde bıznesimizdi damytý áleýeti óte joǵary dep sanaımyn, – dedi ol.
Aıta keteıik, EO-nyń Qytaıdan kólik ımporty alǵash ret eksporttan kóp boldy.
