2026 jyldan zeınetaqy men járdemaqy ósedi: buǵan 662 mlrd teńge bólinedi
ASTANA. KAZINFORM – 2026 jyldyń 1 qańtarynan Qazaqstanda zeınetaqy men járdemaqy ósedi. Bul týraly QR Eńbek jáne halyqty áleýmettik qorǵaý mınıstri Svetlana Jaqypova aıtty.
Mınıstrdiń aıtýynsha, 2026 jylǵy bıýdjette tólemderdi arttyrýǵa 622 mlrd teńgeden astam qarjy qarastyrylǵan. Inflıatsııa deńgeıine baılanysty ósim 10 paıyzǵa deıin bolady.
- Bul rette, zeınetaqy tólemderi ósedi, ıaǵnı yntymaq ári bazalyq zeınetaqy, sondaı-aq múgedektigi bar adamdarǵa arnalǵan tólemder, asyraýshysynan aıyrylý boıynsha járdemaqy somasy artady, - dedi S. Jaqypova Parlament palatalarynyń birlesken otyrysynan keıin tilshiler surǵyna jaýap bere otyryp.
Budan buryn QR Eńbek jáne halyqty áleýmettik qorǵaý mınıstri Svetlana Jaqypova keler jyly elimizde eń tómengi jalaqy mólsheri ósýi múmkin ekenin aıtqan edi.