2026 jyldan bastap turaqty kiristiń 40% jergilikti bıýdjetke jınalady — Úkimet
ASTANA. KAZINFORM — Daǵdarys jyldary jergilikti bıýdjettiń kiristeri qysqarǵan joq, kerisinshe keıingi jyldary ekonomıkanyń damýy men ósýine serpin berdi.
Jergilikti bıýdjettiń qazirgi qarqyny týraly tolyǵyraq Premer-mınıstrdiń orynbasary — Ulttyq ekonomıka mınıstri Serik Jumanǵarın aıtyp berdi.
— Túsimderdi bıýdjet deńgeıleri arasynda tıimdi bólýdiń negizgi qaǵıdattaryna salyqtar, salyq bazasyn birkelki ornalastyrmaǵan salyqtar respýblıkalyq bıýdjetke bekitiledi, al turaqty sıpattaǵy naqty aýmaqtyq baılanysy bar salyqtar jergilikti bıýdjetterge bekitiledi. Sondaı-aq olardyń jınalýynyń eń joǵary dárejesin qamtamasyz etetin bıýdjet deńgeıine salyqtardy bekitý qajettiligi. Osy qaǵıdattardy basshylyqqa ala otyryp, Úkimet respýblıkalyq bıýdjetten jergilikti bıýdjetterge turaqty kirister berý boıynsha jumys júrgizdi. Sońǵy birneshe jyl bıýdjet úshin daǵdarys jyldary bolǵanyna qaramastan, ıaǵnı 2020 jyldan bastap koronavırýs pandemııasy, geosaıası jaǵdaı jáne Eýrazııalyq ekonomıkalyq odaqtyń jekelegen elderine qatysty sanktsııalar engizýi bıýdjet kiristerine aıtarlyqtaı áser etti. Degenmen, jergilikti bıýdjetter kirisiniń ósýi baıqalady, — dedi Serik Jumanǵarın Májiliste ótken Úkimet saǵatynda.
Úkimet basshysy orynbasarynyń aıtýynsha, daǵdarys kezinde halyqqa jáne bızneske qoldaý kórsetildi. Atap aıtqanda, bıýdjettik sala jumyskerleriniń jalaqysyn ulǵaıtý, birjolǵy járdemaqylardy tóleý, shaǵyn jáne orta bıznesti tekserýge moratorıı jáne basqa da sharalar.
— Osyǵan baılanysty daǵdarys jyldary jergilikti bıýdjettiń kiristeri qysqarǵan joq, keıingi jyldary ekonomıkanyń damýy men ósýine serpin berdi. Jumys jalǵasyp 2026 jyldan bastap jańa bıýdjet kodeksinde jyl saıyn qosymsha 100 mlrd teńgeden astam somaǵa kiris berý kózdelgen. Odan bólek, jańa Bıýdjet kodeksinde kiristerdiń nysanaly baǵyty bar «Arnaıy túsimder» degen jańa sanat kózdelgen. Jergilikti bıýdjettiń osy sanatyna qoldanystaǵy kirister, sondaı-aq jańa kirister kiredi. Osylaısha, 2026 jyldan bastap turaqty kiristiń shamamen 40 paıyzy jergilikti bıýdjetke jınalady, — deıdi ol.
Búginde aýdandyq bıýdjetterdiń qarjylyq derbestigin kúsheıtý úshin shaǵyn orta bıznespen, korporatıvtik tabys salyǵy jáne jeke tabys salyǵy aýdandyq, oblystyq mańyzy bar qala bıýdjeti kirisine berildi. Júrgizilgen jumysty eskere otyryp, kiristiń 70 paıyzdan astamy aýdandyq, oblystyq mańyzy bar qala bıýdjetinde shoǵyrlanady.
Buǵan deıin Ulttyq ekonomıka mınıstri el bıýdjetiniń úsh donor óńirdi atady.
Búgin Májiliste «Jalpy sıpattaǵy transfertterdi aıqyndaý jónindegi jańa tásilder» taqyrybynda Úkimet saǵaty ótip jatyr.