2026 jyldan bastap tıimsiz daqyldardyń alqabyn qysqartýdy baqylaý kúsheıtiledi

ASTANA. KAZINFORM – Aýyl sharýashylyǵy mınıstri Aıdarbek Saparov Úkimet otyrysynda egis alqaptaryn ártaraptandyrý saıasaty kúsheıetinin málim etti.

- Egis alqaptaryn ártaraptandyrý baǵdarlamasy jalǵasatyn bolady. Basymdyq joǵary rentabeldi jáne eksportqa baǵyttalǵan daqyldarǵa beriledi, al sýdy kóp qajet etetin daqyldar kólemi qysqarady. Kelesi jyldan bastap ártaraptandyrý kórsetkishterin oryndaýǵa baqylaý kúsheıtiledi. Sondyqtan óńirler qazirden bastap túsindirý jumystaryn júrgizip, egis qurylymyn aldyn ala pysyqtaýy tıis, - dedi mınıstr.

Vedomstvo basshysy eldegi astyq saqtaý syıymdylyǵy 30,7 mln tonnaǵa teń ekenin aıtady.

- Onyń ishinde lıtsenzııalanǵan kásiporyndarda – 13,3 mln tonna, sharýalarda – 17,4 mln tonna. Elevatorlarǵa 7,7 mln tonna bıylǵy astyq tapsyryldy. Bul ótken jylmen salystyrǵanda eki ese kóp. Saqtaýǵa tapsyrylǵan jumsaq bıdaıdyń 53%-y joǵary sapaly, 35%-y – tórtinshi synyp, 12%-y – tómengi synyp jáne synypsyz astyq, - dedi Aıdarbaek Saparov.

Aıta keteıik, Úkimet búgin egin jınaý naýqanyn qorytyndylap, sporttyq ınfraqurylymdy damytý máselesin pysyqtap jatyr.