2026 jyldan bastap Shymkent «Salaýatty qalalar» eýropalyq jelisine qosylmaq
ASTANA. KAZINFORM — 2026 jyly Shymkent qalasyn DDU-nyń «Salaýatty qalalar» eýropalyq jelisine engizý josparda bar, dep habarlady Densaýlyq saqtaý mınıstrligi Alqasynyń kóshpeli otyrysynda qala ákiminiń orynbasary Qýanysh Asylov.
DDU-nyń «Salaýatty qalalar» jobasy — álemniń 30-dan astam elindegi 100-den astam qalany otyz jyldan astam ýaqyt boıy qoldap kele jatqan biregeı platforma.
Jeli qalalarǵa densaýlyq saqtaýdy qala qurylysynyń, basqarýdyń jáne sheshim qabyldaýdyń barlyq aspektisine biriktirýge kómektesedi.
Osy jobanyń sheńberinde halyqty dene belsendiligine, durys tamaqtanýǵa yntalandyrý, temeki shegý men esirtki tutynýdyń, ınfektsııalyq emes aýrýlardyń profılaktıkasyn kúsheıtý boıynsha ataýly jumys josparlanýda, onda minez-qulyq qaýip faktorlary ról atqarady.
Ekologııalyq faktorlardyń monıtorıngin jaqsartý boıynsha sharalar qabyldaý kózdelgen, bul gazben, shýmen kúres.
DDU sarapshylarynyń baǵalaýy boıynsha, «Salaýatty qalalar» eýropalyq jelisimen ózara is-qımyl jasaıtyn qalalar densaýlyq saqtaý salasyndaǵy sektoraralyq josparlaýdyń 40%-ǵa jaqsarǵanyn, densaýlyq saqtaýǵa baǵyttalǵan dızaın iske asyrylǵan aýdandarda belsendi utqyrlyqtyń 25%-ǵa artqanyn atap ótti, bul rette qalalardyń 80%-y saıasatty ázirleýge jurtshylyqtyń neǵurlym belsendi qatysýy týraly habarlady.
Qýanysh Asylovtyń aıtýynsha, DDU-nyń «Salaýatty qalalar» eýropalyq jelisiniń sheńberinde qala sport alańdarymen, velo — jáne jaıaý júrginshiler joldarymen tolyq qamtamasyz etiledi.
Ol sondaı-aq Shymkent turǵyndarynyń ortasha ómir súrý uzaqtyǵyn 79 jasqa deıin ulǵaıtýǵa ákeletin óńirlik densaýlyq saqtaýdy damytý baǵdarlamasynda baıandalǵan birqatar basqa sharalardy atap ótti.
Osylaısha, MSAK deńgeıinde «kezek kúttirmeıtin medıtsınalyq kómek kabınetteri», damý jáne erte aralasý ortalyqtary qurylady, ámbebap progressıvti patronaj modeli kúsheıtiledi, mektepterde stomatologııalyq kabınetter ashylady, aýrýlardyń 12 beıini boıynsha 30-dan astam quzyrettilik ortalyqtary qurylatyn bolady.3
Buǵan deıin Shymkent qalasynyń ortalyǵyndaǵy burynǵy «Qııal álemi» attraktsıondar parki aýmaǵynda turǵyn úı kesheniniń salynatyny týraly taraǵan aqparat rastalmady.