2026 jyldan bastap salyq salasynda qandaı ózgerister bolady
ASTANA. KAZINFORM — Qarjy mınıstrligi elimizde júrgizilip jatqan salyq reformasy aıasynda óńirlik semınarlar ótkizýdi jalǵastyryp jatyr. Kezekti kezdesý Qaraǵandy qalasynda ótti.
Mınıstrlik ókilderi bızneske qatysty birqatar jańalyqtardy tanystyrdy.
Atap aıtqanda, 2026 jyldan bastap korporatıvtik tabys salyǵy (KTS) boıynsha shegerimder — jalaqy, amortızatsııa, marketıng jáne qyzmetkerlerdi oqytý shyǵyndary eskerilmek. Aýyl sharýashylyǵy, IT jáne arnaıy ekonomıkalyq aımaqtarda jumys isteıtin kompanııalarǵa jeńildikter qarastyrylǵan.
- Jeke tulǵalar úshin de jaǵymdy ózgerister bar. Jańa erejege saı áleýmettik tólemder, ótemaqylar men stıpendııalar jeke tabys salyǵynan (JTS) bosatylady.
Qosylǵan qun salyǵy (QQS) salasynda da ońtaılandyrý júrgiziledi: kiris QQS-ny esepke alý tártibi jańaryp, tirkeý men eseptilik berý rásimderi jeńildetiledi, - delingen aqparatta.
Sonymen qatar eskirý merziminiń jańa tártibi engizilip, tekserý júıesinde zamanaýı tásilder qoldanylmaq.
Aıta keteıik, salyq organdarynda bıometrııalyq sáıkestendirý engiziledi.