2026 jyldan bastap qyrǵyz dárigerleriniń jalaqysy kóteriledi
ASTANA. KAZINFORM — Qyrǵyzstanda medıtsına qyzmetkerleriniń jalaqysyn kezekti arttyrý 2026 jylǵy qańtar aıyna josparlanyp otyr, dep jazady Kabar.
Bul týraly Qyrǵyz Respýblıkasy Jogorký Keneshiniń tóraǵasy Nurlanbek Týrgýnbek ýýlý Jalal-Abad oblysyna jumys sapary barysynda málimdedi.
Eske salaıyq, búgin, 5 maýsym kúni, parlament spıkeri jumys saparymen Jalal-Abad oblysynda júr. Ol Ala-Buqa aýylyndaǵy apatty jaǵdaıdaǵy medıtsınalyq nysandardyń jaı-kúıimen tanysý úshin Ala-Buqa aýdanynda boldy.
Sondaı-aq, Nurlanbek Týrgýnbek ýýlý medıtsına qyzmetiniń sapasyna talap qoıý úshin eń aldymen jalaqyny 70–80 myń somnan joǵary deńgeıge jetkizý qajettigin atap ótti.
— Salaýatty ult — qýatty memlekettiń negizi. Osyǵan baılanysty densaýlyq saqtaý júıesin damytý — memlekettik saıasattyń basym baǵyttarynyń biri. Medıtsınalyq qyzmet sapasyn arttyrý úshin eń aldymen medıtsına qyzmetkerleriniń eńbek jaǵdaıyn jaqsartyp, jalaqysyn kóterý qajet. Jalaqy 70–80 myń somnan joǵary bolǵan jaǵdaıda ǵana qyzmetkerlerge kásibı talap qoıý jáne salany damytý týraly aıtýǵa bolady, — dedi ol.
Buǵan deıin habarlanǵandaı, Qyrǵyzstanda 2025 jylǵy úlgidegi jańartylǵan dızaıny men kúsheıtilgen qorǵanys elementteri bar jańa jalpyazamattyq tólqujattar men jeke kýálikterdi (ID-karta) aınalymǵa engizý josparlanyp otyr.