2026 jyldan bastap Qazaqstanda keıbir áleýmettik tólemderdiń mólsheri ózgeredi
ASTANA. KAZINFORM – Qazaqstanda keıbir áleýmettik tólemderdiń mólsherin arttyrýǵa qatysty Úkimet qaýlysy kúshine endi.
– 2026 jylǵy 1 qańtardan bastap «Memlekettik áleýmettik saqtandyrý qorynan tólenetin áleýmettik tólemderdiń mólsherin arttyrý týraly» qujatqa sáıkes, 2026 jylǵy 1 qańtarǵa deıin taǵaıyndalǵan eńbekke qabilettiliginen aıyrylý jáne asyraýshysynan aıyrylý jaǵdaılary boıynsha Memlekettik áleýmettik saqtandyrý qorynan tólenetin áleýmettik tólemder alynatyn tólem mólsheriniń 10 paıyzyna ulǵaıtylady, – delingen qujatta.
Qazaqstanda eńbekke qabilettiliginen aıyrylý jáne asyraýshysynan aıyrylý jaǵdaılary boıynsha áleýmettik tólemder ár azamatqa jeke esepteledi. Tólem mólsheri eń tómengi kúnkóris deńgeıine, áleýmettik saqtandyrý júıesine qatysý ótiline jáne múgedektik tobyna (eńbekke qabilettiliginen aıyrylý) baılanysty aıqyndalady. Al asyraýshysynan aıyrylý jaǵdaıynda tólem kólemi asyraýyndaǵy adamdardyń sany men qaıtys bolǵan adamnyń jalaqysyna qaraı esepteledi.
Buǵan deıin Joǵary aýdıtorlyq palatada azamattardy zeınetaqymen jáne áleýmettik qamsyzdandyrý júıelerine júrgizilgen memlekettik aýdıt qorytyndylary shyǵarylǵan edi.
Sonymen qatar Áleýmettik tólemderge 555 mlrd teńgeden astam qarjy jumsaldy.