2026 jyldan bastap estý qabileti buzylǵan balalar apparattarmen tegin qamtylady
ASTANA. KAZINFORM — Qazaqstanda balalarǵa arnalǵan medıtsınalyq ońaltý qyzmetteri keńeıtilip keledi. 2025 jyly 125 myń bala medıtsınalyq ońaltýmen qamtyldy, dep habarlaıdy DSM baspasóz qyzmeti.
Bıyl «Qamqorlyq» jobasy aıasynda Atyraý, Qyzylorda, Almaty, Mańǵystaý, Jetisý jáne Aqmola oblystarynda 6 jańa aýdanaralyq ońaltý ortalyǵy ashyldy.
Densaýlyq saqtaý mınıstrliginiń málimetinshe, balalar densaýlyǵyna baǵyttalǵan jańa baǵdarlamalar júıeli túrde damyp jatyr. 2026–2030 jyldarǵa arnalǵan «Qazaqstan balalary» biryńǵaı baǵdarlamasynyń tujyrymdamasy ázirlendi.
— «Syrly dybys» jobasyna sáıkes 2026 jyldan bastap I–III dárejeli estý qabileti buzylǵan balalar súıek ótkizgishtik operatsııalarynan keıin estý apparattarymen jáne aýdıoprotsessorlarmen jergilikti bıýdjet esebinen qamtamasyz etiledi. Al «Ajarly kelbet» jobasy boıynsha MÁMS júıesinde bet pen bastyń týa bitken anatomııalyq erekshelikteri bar balalarǵa rekonstrýktıvtik jáne plastıkalyq operatsııalar engizildi, — delingen habarlamada.
Budan buryn 3 jasar qyzdyń óliminen keıin 622 stomatologııalyq klınıka tekserilip jatqanyn jazǵan edik.