2026 jyldan bastap Chehııa mıgranttar men bosqyndarǵa qatań talaptar engizedi
ASTANA. KAZINFORM — Chehııa prezıdenti Petr Pavel mıgranttar men baspana suraýshylarǵa qatysty erejelerdi qataıtýǵa baǵyttalǵan zańǵa engizilgen túzetýlerdi maquldady, dep habarlaıdy AZERTADJ.
Jańa talaptar 2026 jyldyń qańtarynan bastap kúshine enedi jáne rásimderdi jedeldetý, zańbuzýshylyqtardyń aldyn alý men sheteldikterdiń el ishindegi qozǵalysyn baqylaýdy kúsheıtýge baǵyttalǵan.
Zańǵa sáıkes, eger sheteldik bir jyl ishinde úsh márte quqyq buzýshylyq jasap, bul áreketter qylmystyq reestrde tirkelse, oǵan turýǵa ruqsat berilmeıdi nemese ruqsaty uzartylmaıdy.
Sondaı-aq, Chehııadan shyǵarylǵan tulǵalar úshin qaıtadan baspana suraýǵa múmkindik shekteledi.
Atalǵan túzetýler jalpyeýropalyq mıgratsııalyq paktke sáıkes ázirlengen.
Budan buryn habarlanǵandaı, Chehııa Eýroodaqta 150 km/saǵ jyldamdyq shekteýin engizgen alǵashqy el bolýy múmkin.
Sonymen qatar Chehııada qarý-jaraqqa degen suranys artqany anyqtaldy.