2026 jyldan bastap Almaty oqýshylaryna sý únemdeýdi mektepten bastap úıretedi
ALMATY. KAZINFORM — Almatyda balalar arasynda sý únemdeý mádenıetin qalyptastyrý úshin synyp saǵattary ótedi. Bul Kazinform saýalyna jaýap bergen Almatynyń ekologııa basqarmasy habarlady.
Bıyl 28 sáýir kúni qalalyq máslıhat 2025–2029 jyldarǵa arnalǵan «Taza Qazaqstan» tujyrymdamasyn júzege asyrý boıynsha Almatydaǵy is-qımyl josparyn bekitti.
Bul josparda kózdelgen qysqa merzimdi maqsattardyń biri — «Jasyl mektep» jobasyn iske qosý. Ol boıynsha 2026 jyly oqýshylar arasynda sý únemdeý taqyrybynda synyp saǵattary ótkiziletin bolady.
— Mektepte oqýshylarǵa tabıǵı resýrstardy utymdy paıdalanýdyń mańyzdylyǵy túsindiriledi, ekologııalyq mádenıet qalyptastyrylady, sondaı-aq turmysta jáne mektepte sý tutynýdy azaıtýdyń praktıkalyq tásilderi talqylanady, — dep habarlady ekologııa basqarmasynan.
Eske salaıyq, Prezıdent Qasym-Jomart Toqaev jyl basynda ótken Úkimettiń keńeıtilgen otyrysynda sýdy únemdeıtin tehnologııalardy paıdalaný máselesi óte ózekti ekenin aıtqan edi.
Sonymen qatar 2024 jyly Almaty qalasyna sapary barysynda Memleket basshysy Almatyny sýmen qamtamasyz etý jalpymemlekettik mańyzy bar basym mindet ekenin atap ótti.
Buǵan deıin Almaty mektepterinde seısmıkalyq qaýipsizdik jóninde sabaq ótkiziletinin jazǵanbyz.