2026-2027 oqý jylynda qaı salaǵa grant kóp bólindi
ASTANA. KAZINFORM – Jańa oqý jylyna bólingen granttar men kvotalar týraly QR ǴJBM Joǵary jáne joǵary oqý ornynan keıingi bilim komıteti tóraǵasynyń orynbasary Janna Esınbaeva aıtyp berdi.
Memlekettik bilim berý tapsyrysy eńbek naryǵynyń bilikti kadrlarǵa qajettiligine sáıkes qalyptastyrylady. Bıyl granttardyń 60%-y ınjenerlik-tehnıkalyq, 20%-y pedagogıkalyq, al 20%-y basqa baǵyttarǵa bólindi.
2026-2027 oqý jylyna bakalavrıat baǵdarlamalary boıynsha shamamen 75 myń bilim berý granty qarastyryldy.
Konkýrsqa 127 myńǵa jýyq ótinish qabyldanyp, granttar UBT nátıjeleri, talapkerlerdiń tańdaýy jáne zańnamada belgilengen kvotalar eskerile otyryp taǵaıyndaldy.
Talapkerler arasynda «Aýdarma isi», «Halyqaralyq qatynastar», «Quqyq», «Psıhologııa», «Qarjy» jáne pedagogıkalyq baǵyttar joǵary suranysqa ıe boldy.
Konkýrs qorytyndylary Respýblıkalyq konkýrstyq komıssııa otyrysynda bekitilip, nátıjesi QR Ǵylym jáne joǵary bilim mınıstri Saıasat Nurbektiń, mınıstrliktiń resmı aqparattyq resýrsynda jarııalanady.
Aıta keteıik, bilim granty ıegerleriniń tizimi 7 tamyzda jarııalanady.
