2026-2027 oqý jylynda 8 myńnan astam mektepte 4,1 mıllıon bala bilim alady
ASTANA. KAZINFORM – Aqmola oblysynyń Qaraótkel aýylynda 1200 oqýshyǵa arnalǵan jańa IT-mektep paıdalanýǵa berildi. Jańa oqý jylynyń alǵashqy qońyraý saltanatyna Oqý-aǵartý mınıstriniń mindetin atqarýshy Juldyz Súleımenova qatysty.
Bilim oshaǵy Memleket basshysy Qasym-Jomart Toqaevtyń tapsyrmasymen iske asyrylǵan «Keleshek mektepteri» ulttyq jobasy aıasynda boı kóterdi. Mektepte 60 oqý kabıneti, STEM-zerthanasy, fızıka, hımııa, bıologııa, IT, robototehnıka jáne horeografııa bólmeleri, sondaı-aq eki sport zaly qarastyrylǵan.
Juldyz Súleımenova oqýshylardy, pedagogter men ata-analardy oqý jylynyń bastalýymen quttyqtap, birinshi synypqa qadam basqan búldirshinderge tilek bildirdi. Elimizde mektep ınfraqurylymyn damytý jáne balalarǵa sapaly, qaýipsiz bilim berý baǵytyndaǵy júıeli jumystar jalǵasyp jatyr.
Resmı málimetke sáıkes, 2026-2027 oqý jylynda Qazaqstandaǵy 8 myńnan astam mektepte 4,1 mıllıon bala bilim alady. Olardyń ishinde 380 myńnan astam oqýshy mektep tabaldyryǵyn alǵash ret attady.
Osyǵan deıin elimizde 57 jańa mektep ashylǵany týraly jazdyq.
