2025 jyly Ulttyq qordyń aqshasy 92,3 mlrd dollar bolady – Álibek Qýantyrov

NUR-SULTAN. QazAqparat – Úkimet otyrysnyda QR Ulttyq ekonomıka mınıstri Álibek Qýantyrov Ulttyq qordyń qarajaty budan bylaı birtindep tolysa beretinin aıtyp, jaǵymdy boljam jasady, dep habarlaıdy QazAqparat tilshisi.

«QR Ulttyq qorynan 2023-2025 jyldarǵa arnalǵan kepildendirilgen transfert týraly» Zań jobasy Bıýdjet kodeksiniń jańa talaptaryn eskere otyryp ázirlendi.

Ulttyq qordan kepildendirilgen transferttiń mólsheri bıýdjet qaǵıdalaryna sáıkes munaıdyń kesimdi baǵasyn eskere otyryp aıqyndaldy.

Osylaısha, zań jobasynda munaıdyń kesimdi baǵasy 2023 jyly barreline 48,9 AQSh dollary, 2024 – 2025 jyldary barreline 42,2-40,3 AQSh dollary deńgeıinde belgilendi.

Osyny eskere otyryp, respýblıkalyq bıýdjetke kepildendirilgen transferttiń mólsheri 2023 jyly 2,2 trln teńge, 2024 jyly 2,0 trln teńge, 2025 jyly 1,9 trln teńge kóleminde belgilendi», - dedi mınıstr.

Osylaısha, Ulttyq qor qarajatyn paıdalaný jospary jasalǵan kezde munaı baǵasynyń boljamdy kórsetkishi qazirgiden áldeqaıda tómen bolǵandyqtan Ulttyq qorǵa baǵyttalatyn túsim aldaǵy ýaqytta artýy kerek.

«Qaǵıdalardy josparly kezeńde qoldaný Ulttyq qordyń valıýtalyq aktıvterin 2023 jyly 66,7 mlrd AQSh dollaryna deıin qalpyna keltirýge, odan ári 2024 – 2025 jyldary 78,8 – 93,2 mlrd AQSh dollaryna deıin ulǵaıtýǵa yqpal etedi.

Bizdiń boljamdar boıynsha Ulttyq qordan tartylatyn qarajat pen orta merzimdi kezeńde shyǵystardyń ósý qarqynynyń joǵarǵy shegin belgileý fıskaldyq tártipti arttyrýǵa jáne Ulttyq qordyń jınaqtaý fýnktsııasyn kúsheıtýge múmkindik beredi», - dedi Álibek Qýantyrov.

Foto: primeminister.kz