2025 jyly stýdentterdiń shákirtaqysy 52 myń teńgege deıin ósýi múmkin

NUR-SULTAN. QazAqparat – Keler jyl basynan stýdentterdiń ortasha shákirtaqysy 41 898 teńgege ósedi. Bul týraly Qarjy mınıstrligi usynǵan «2023-2025 jyldarǵa arnalǵan respýblıkalyq bıýdjet» jobasynda kórsetilgen, dep habarlaıdy QazAqparat tilshisi.

«Bıýdjet jospary aıasynda 2025 jylǵa deıin stýdentterge shákirtaqy tóleýge 430 109 126 teńge somasynda shyǵystar kózdelgen. Osynyń nátıjesinde 2023 jyly ortasha shákirtaqy - 41 898, 2024 jyly - 47 135, al 2025 jyly - 52 372 teńgeni quraıdy», - dep jazylǵan josparly bıýdjet jobasynda.

Sonymen qatar Qarjy mınıstrligi usynǵan qujatqa saı, keler jyldyń basynan AEK pen eń tómengi zeınetaqy mólsheri ósýi múmkin.

Budan bólek, bıýdjet josparyna aldaǵy úsh jylda salynatyn 504 mekteptiń qurylysyna baǵyttalatyn qarajat somasy engen.