2025 jyly respýblıkalyq joldardyń 44% aqyly bolady
NUR-SULTAN. QazAqparat – Aldaǵy 5 jylda respýblıkalyq mańyzǵa ıe joldardyń 11 myń shaqyrymy aqyly qyzmetke kóshedi. Redaktsııaǵa joldaǵan jaýabynda «QazAvtoJol» Ulttyq kompanııasy» AQ basqarma tóraǵasynyń orynbasary Arman Júsipov osyndaı málimet berdi, dep habarlaıdy QazAqparat tilshisi.
«Aldaǵy 5 jyl ishinde elimizde joldardyń 44% jýyǵy aqyly bolady. Jalpy uzyndyǵy shamamen 11 myń shaqyrymdy quraıdy», - dep jazdy «QazAvtoJol» ókili.
Sondaı-aq, ol aqyly joldardan túsken aqsha qaıda jumsalatynyn túsindirdi.
«2020 jyly qoldanystaǵy aqyly ýchaskelerden qosymsha qun salyǵyn qosqanda 5,7 mlrd teńge jınaldy. «Avtomobıl joldary týraly» Zańnyń 5-babynyń 5-tarmaǵyna sáıkes, aqyly ýchaskelerdegi alymdardan alynǵan qarajat:
- aqyly avtomobıl joldaryn jóndeýge jáne kútip-ustaýǵa, júrip ótý úshin aqy alýdyń baǵdarlamalyq-apparattyq keshenin ustaýǵa;
- júrip ótý úshin aqy alýdyń baǵdarlamalyq-apparattyq keshenderin engizý jáne ornatý maqsatynda tartylǵan ınvestıtsııalardy qaıtarýǵa;
- avtomobıl joldarynda aqyly qozǵalysty uıymdastyrýǵa baǵyttalady;
- aqyly avtomobıl joldaryn kútip-ustaý úshin jol-paıdalaný tehnıkasyn satyp alý jáne qyzmet kórsetý úshin jumsalady», - delingen Ulttyq kompanııanyń jaýabynda.
