2025 jyly Ortalyq Azııa elderi muzdyqtarynyń kartasy jasalady - UNESCO
«Sý resýrstary jáne transshekaralyq sý máselesin sheshýde yntymaqtastyq qajet. Atalǵan problemany ońtaıly sheshýde UNESCO Ortalyq Azııa elderimen birlesip ne istep jatyr degenge keleıik. 2021 jyldan bastap biz ǵylym arqyly tereńirek túsinýdi qamtamasyz etý jáne muzdyqtardyń erýine baılanysty taý kólderiniń tolyp ketýine daıyndalý baǵytynda jumys istep jatyrmyz», - dedi Odre Azýle elordada ótip jatqan Astana halyqaralyq forýmynda.
UNESCO basshysynyń aıtýynsha, atalǵan birlesken jumys - sý resýrstary máselesin ońtaılandyrý maqsatyndaǵy mańyzdy ǵylymı yntymaqtastyq.
«Uly aqyn Abaıdyń 38-shi qarasózinen úzindi keltirgim keledi: «Nadandyq – bilim-ǵylymnyń joqtyǵy, dúnıede eshnárseni olarsyz bilip bolmaıdy». ıAǵnı, biz yntymaqtasty ǵylymnan bastaýymyz kerek. 2025 jylǵa qaraı biz Qyrǵyzstan, Tájikstan, Ózbekstan jáne Qazaqstandaǵy muzdyqtar men muzasty kólderiniń kartasyn jasaǵymyz keledi», - deıdi forýmnyń qurmetti qonaǵy.
