2025 jyly Qytaı men Úndistan ekonomıkalary «Úlken jetilik» elderin artta qaldyrady
ASTANA. 10 qarasha. QazAqparat - 2025 jyly Qytaı men Úndistan ekonomıkalary «Úlken jetilik» elderiniń JІÓ birge eseptegendegi kóleminen de asyp túsedi. Bul týraly Ekonomıkalyq yntymaqtastyq jáne damý uıymynyń (EYDU) baıandamasynda jarııalanǵan, dep habarlaıdy RBK.
Uıymnyń boljamyna sáıkes, 2012 jyly Qytaıdyń JІÓ Eýroaımaqtan asyp túsedi, al 2030 jyly atalǵan eki alpaýyt eldiń ekonomıkalaryna AQSh, eýroaımaq jáne Japonııanyń jalpy ishki ónimderin qosa eseptegende jete almaıdy eken.
«Bizdiń balalarymyz ben nemerelerimiz ómir súretin álem bizdikinen basqasha bolady», - deıdi uıymnyń bas hatshysy Hose Anhel Gýrrıa.
EYDU sarapshylarynyń pikirinshe, 2060 jylǵa qaraı damýshy elderdiń ekonomıkasy 4 ese ulǵaıady, sonyń ishinde Azııa alpaýyty atanyp otyrǵan aspan asty eliniń JІÓ kólemi 7 esege deıin ósedi dep kútilýde. Osynyń nátıjesinde damyǵan jáne damýshy elder arasyndaǵy alshaqtyq qysqarady.
AQSh ta bir orynda qalyp qoımaq emes. Sarapshylardyń pikirinshe, elý jyldan keıin qytaılyqtar men eýropalyqtarǵa qaraǵanda AQSh turǵyndarynyń tabysy áldeqaıda molyraq bolady.
