2025 jyly kólik rýlinde uıyqtaýǵa bolady
ALMATY. QazAqparat- Shtýtgarttyq ınjenerler «Future Truck 2025» dep atalatyn júk kóliginiń testilik nusqasyn jasap shyǵardy. Bul kólik jolda avtomatty túrde basqarylady, dep habarlaıdy kolesa.kz.
Munda avtonomdy basqarý júıesi «Highway Pilot» dep atalady. Jańa tehnologııa júrgizýshilerdi jolda kóliktiń júrisin únemi baqylap otyrýdan qutqarady. Injenerlerdiń aıtýynsha, atalmysh júk kóligi jol synaǵynan oıdaǵydaı ótti.
Kólikte «Predictive Powertrain Control» dep atalatyn jańa krýız-baqylaý júıesi bar. Ol jer bederiniń topografııasyn kóre alady jáne dóń-saıdy ajyrata biledi. Jaqyn qashyqtyqqa arnalǵan radar aldyndaǵy 70 metrge deıingi aýmaqta bolyp jatqan jaǵdaıdy tirkese, alys qashyqtyqtaǵy radar 250 metrge deıingi aýmaqty baqylaı alady. Sonymen qatar, jańa avtopılot júıesi jolda kólik keptelisi nemese jóndeý jumystary bary-joǵyn anyqtaı alady. Júk kóligi Germanııanyń Magdebýrg qalasy mańynda synaqtan ótkizilgen. Munda avtomatty rejımde eń joǵary jyldamdyq 84 shaqyrym/saǵattan aspaıdy. Sondaı-aq, ınjenerlerdiń aıtýynsha, ázirshe júk kóliginiń kabınasynda júrgizýshi bolýy kerek. Óıtkeni bul áli synaqtyq nusqa. «Mersedes-Bents» kompanııasy basshylyǵynyń boljaýynsha. 2025 jylǵa qaraı álemde júk tasymaly arta túsedi. Sondyqtan, óndirýshi kompanııa júrgizýshisi joq júk kólikterin jasap shyǵarýdy qazirden bastap qolǵa alýdy kózdep otyr.
