2025 jyly Qazaqstandaǵy ımport úlesi 59%-dan 37%-ǵa qysqarady
NUR-SULTAN. QazAqparat – QR Indýstrııa jáne ınfraqurylymdyq damý mınıstri Roman Sklıar «Qarapaıym zattar ekonomıkasy» baǵdarlamasyn júzege asyrý týraly baıandady, dep habarlaıdy QazAqparat tilshisi.
Baǵdarlama arqyly 2025 jyly Qazaqstandaǵy ımport úlesi 59%-dan 37%-ǵa qysqarady.
«Elbasy mindettegen «Qarapaıym zattar ekonomıkasyn» damytý aıasynda óńdeý ónerkásibi, qyzmet kórsetý, agroónerkásip keshenindegi óńdeý jáne óndiris salalaryn qoldaýǵa 600 mlrd teńge bólindi. Bıylǵy 15 shildedegi jaǵdaı boıynsha bankter 50 mlrd teńge somasyna 100-den astam jobany maquldap, 280 mlrd teńge bolatyn 180 jobany qarastyrýda», - dedi mınıstr Úkimettiń keńeıtilgen otyrysynda.
Tek osy bastapqy jobalar boıynsha jyl saıyn 2 myńnan astam jumys ornyn quryp, salyq túsimderin 6,2 mlrd teńgege ulǵaıtý kózdelgen.
«Qarapaıym zattar ekonomıkasy» baǵdarlamasyn iske asyrý arqyly 2025 jylǵa qaraı ımport úlesi 59%-dan 37%-ǵa deıin qysqarady. Biz memlekettik satyp alýdaǵy jergilikti naryqty qamtý jumysyn jalǵastyramyz jáne onyń úlesin ulǵaıtý boıynsha tıisti sharalar qabyldaımyz», - dedi R. Sklıar.
Aıta keteıik, elordada QR Prezıdenti Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr. Jıynǵa Úkimet músheleri, Astana, Almaty jáne Shymkent qalalary men oblystardyń ákimderi, ortalyq memlekettik organdar men mınıstrlikterdiń basshylary qatysýda.
