2025 jyly Qazaqstanda munaı óndirý kólemi 105 mln tonnaǵa jetedi

ATYRAÝ. QazAqparat – 2025 jyly Qazaqstanda jyl saıynǵy munaı óndirý kólemi 105 mln tonnaǵa jetedi. Bul týraly Energetıka mınıstri Qanat Bozymbaev Qazaqstan munaıynyń 120 jyldyǵyn merekeleý barysynda atap ótti, dep habarlaıdy QazAqparat tilshisi.

«Munaı-gaz salasynda birqatar iri aýqymdy jáne uzaq merzimdi ınjenerlik-tehnıkalyq jobalar júzege asyrylyp jatyr. Munaı óndirisinde ınvestıtsııanyń negizgi ósimi orta merzimdi kezeńge tıesili jáne úsh jobany júzege asyrý úshin 44,5 mlrd AQSh dollary kóleminde quıylyp otyr: Teńizdi bolashaqta keńeıtý jobasy (36,8 mlrd AQSh dollary), Qashaǵannyń 1-shi kezeńin keńeıtý jobasy (2 mlrd AQSh dollary), Qarashyǵanaqtaǵy óndiris deńgeıin uzartý jobasy (4,5 mlrd AQSh dollary)», - dedi mınıstr.

Teńizde kenishti ıgerýge 46 myńnan astam qazaqstandyq jumysshy tartylǵan. Bolashaqta keńeıtý jobasyn júzege asyrý arqyly Teńizdegi munaı óndirisin aıtarlyqtaı arttyrýǵa múmkindik bar. Aıtalyq jyl saıynǵy deńgeı 2023 jyldan bastap birden 12 mln tonnaǵa joǵarylatady.

Qashaǵanda búginde mundaı óndirý kólemi táýligine 380 myń barrelge jetip otyr. Júzege asyrylatyn joba munaı óndirisin 2022 jyly táýligine 420 myń barrelge jáne 2027 jyly 500 myń barrelge jetkizýge yqpal etpek.

Qarashyǵanaqtaǵy joba munaı óndirý deńgeıin uzaq merzimdi kezeńge saqtap qalýǵa múmkindik beredi.

Avtor: A. Sokolov