2025 jyly el halqy 100 paıyz sýmen jabdyqtaýǵa qol jetkizedi
«Halyqtyń qolaıly ómir súrýi úshin sapaly aýyz sýǵa qoljetimdilikti arttyrý sharalary da qabyldanýda. Búgingi tańda 6,9 mln adam turatyn 4 myńǵa jýyq aýyl ortalyqtandyrylǵan sýmen jabdyqtalǵan. Halyq sany 200-den kem 403 aýylda sý tazartýdyń oqshaý júıeleri ornatyldy. 1922 aýyldy ortalyqtandyrylǵan sýmen jabdyqtaýmen jáne sý tazartýdyń oqshaý júıelerimen qamtý josparlanyp otyr», - dedi ol.
Mınıstrdiń aıtýynsha, sýmen jabdyqtaý jáne sý burý júıelerin salý men rekonstrýktsııalaýǵa respýblıkalyq bıýdjetten shamamen 400 mlrd teńge bólý kózdelgen.
«Bul is-sharalardyń barlyǵy 2025 jyly el halqyn 100 paıyz sýmen jabdyqtaýǵa múmkindik beredi. Bıyl respýblıkalyq bıýdjetten 242 jobany iske asyrýǵa 69,2 mlrd teńge kózdelgen. Ol 2021 jyldyń qorytyndysynda aýyldyq eldi mekenderde ortalyqtandyrylǵan sýmen jabdyqtaýǵa qoljetimdilikti 91,8 paıyzǵa jetkizýge múmkindik beredi», - dedi Beıbit Atamqulov.