2025 jyly aýyl balalary qosymsha bilimmen 100 paıyz qamtylady – Ashat Aımaǵambetov

NUR-SULTAN. QazAqparat – 2025 jyly aýyl balalary qosymsha bilimmen 100 paıyz qamtylady. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

Aýylda qosymsha bilim berýdi damytý – mańyzdy másele. Bilim berý sapasyna úıirmelermen qamtý úlken yqpal tıgizedi. Búgingi tańda aýyl oqýshylarynyń tek qana 40 paıyzy qosymsha bilimmen qamtylǵan. Al 2025 jylǵa qosymsha bilimmen 100 paıyz qamtý josparlanyp otyr», - dedi mınıstr.

Onyń atap ótýinshe, ol úshin bıyldan bastap alǵash ret balalarǵa qosymsha bilim berýge memlekettik tapsyrysty ornalastyrý mehanızmi engizildi. Arnaıy Zań qańtar aıynda qabyldandy.

«Shaǵyn jınaqtalǵan mektepterde bilim berý sapasyn arttyrý maqsatynda tirek mektep-resýrstyq ortalyqtar men ınternat jelisin keńeıtý josparlanyp otyr», - dedi Ashat Aımaǵambetov.