2025 jyly Almaty kóshelerine 100% jaryq tartylady
Óz sózinde ákim ótken jyldyń basynda qyzmetke kelgende kóshelerdi jaryqtandyrý júıesi óte nashar jaǵdaıda bolǵanyn aıtty.
«Ótken jyly biz «Almaty Qala Jaryq» mekemesin kommýnaldyq menshikke qaıtarýǵa kóp ýaqyt jumsadyq. Biz ony qaıtardyq, qalany jaryqtandyrýdy damytýdyń arnaıy baǵdarlamasyn daıyndadyq. 2025 jyldyń sońyna deıin qalany 100 paıyz jaryqpen qamtý kózdelgen», - dedi E. Dosaev ortalyq kommýnıkatsııalar qyzmetinde ótken baspasóz máslıhatynda.
Qala ákiminiń málimetinshe, jyl basynan beri 511 jaryqtandyrylmaǵan kóshede jumystar aıaqtaldy, 210 shaqyrym kabel tartyldy, 6900-ge jýyq jańa jaryq núkteleri salyndy.
Búgingi tańda jóndeý jumystary aıaqtalyp qaldy.
Ákim Naýryzbaı jáne Áýezov aýdandarynda pılottyq rejımde shamdar jańǵyrtylyp, ózgertilip jatqanyn aıtty.
Biraq qala úshin eń mańyzdy qater – syrtqy jaryqtandyrýdy basqarý shkaftary (ShÝNO) bolǵan.
«Kezinde kóshe jaryǵyn basqarý boıynsha memlekettik-jekemenshik áriptestik sharty jasalǵanda ShÝNO-ny jańǵyrtý qarastyrylmaǵan. Bizde 1600-den astam shkaf bar, bul - eń mańyzdy quraldar. Sizder qalany aralap júrgende baǵananyń ózin kóresizder, al tómende osyndaı qorapsha bolady. Bul óte mańyzdy, óıtkeni ol birneshe jaryq núktesin basqarady, olardyń turaqty jumysyn qamtamasyz etedi. Onda tústi metaldar bar, sondyqtan jıi shabýyl jasalady, urlanady. Olardyń bári eskirgen. Qazir baǵdarlama ázirlep, bıyl 600-ge jýyq shkafty aýystyramyz dep úmittenemiz», - dep túsindirdi Erbolat Dosaev.
