2025 jylǵa taman 41 trln teńge ınvestıtsııa tartý boıynsha jobalar pýly jasaqtaldy
ALMATY. QazAqparat – QR Úkimetinde 2025 jylǵa taman 41 trln teńge ınvestıtsııa tartý boıynsha jobalar pýly jasaqtaldy, dep habarlaıdy QazAqparat tilshisi.
«Ekonomıkalyq ósim qarqynyn kúsheıtý úshin ınvestıtsııa tartýda jumys belsendiligi artyp keledi. Bizdiń maqsatymyz 2025 jylǵa jaqyn negizgi kapıtalǵa salynatyn ınvestıtsııanyń kólemin jalpy ishki ónimniń 30%-na jetkizý. 5 jylda 24 mlrd dollar kólemindegi syrtqy tikeleı ınvestıtsııa kólemin 34 mlrd dollarǵa arttyrý kózdelgen. Búginde Úkimette 2025 jylǵa deıin 41 trln teńge ınvestıtsııa tartýǵa múmkindik beretin jobalar pýly jasaqtaldy», - dedi QR Premer-mınıstriniń birinshi orynbasary Álıhan Smaıylov.
Onyń aıtýynsha, qarajat birinshi kezekte óńdeý ónerkásibine, otyn-energetıka, aýyl sharýashylyǵy keshenin jáne kólik pen logıstıka salasyn damytýǵa baǵyttalady.
