2025 jylǵa qaraı jalpy ishki ónimniń ósý qarqyny 4,5%-ǵa jetýi múmkin – Ulttyq bank boljamy

ASTANA. QazAqparat – Ulttyq banktiń basqarma tóraǵasy Ǵalymjan Pirmatov 2025 jylǵa deıin eldiń jalpy ishki ónimi qalaı qubylatyny týraly boljam aıtty, dep habarlaıdy QazAqparat tilshisi.

Bul jaıynda ol bazalyq mólsherlemeni kóterý sebepterine arnalǵan brıfıngide málim etti.

«Syrtqy suranystyń álsizdigin jáne óndirý kóleminiń buryn boljanǵan mólsherden azyraq bolýyn eskersek, jalpy ishki ónimniń ósý qarqyny 2022 jyly 2-3% kóleminde, 2023 jyly 3-4% shamasynda, 2024-2025 jyldary – 3,5-4,5% deńgeıinde bolatynyn kútemiz», - dedi Ǵalymjan Pirmatov.

Onyń aıtýynsha, 2023 jyly fıskaldyq saıasat barynsha ekonomıkany yntalandyrýǵa baǵyttalady. Biraq onyń jaǵymdy áseri kópke barmaıdy. Fıskaldyq saıasat faktory memlekettik tutyný men ishki suranysty qoldaı otyryp, ımporttyń ósýine qolaıly jaǵdaı týǵyzady. Munyń saldarynan eldegi jalpy ishki ónimniń ósýi shektelmek.

Aıta keteıik, búgin Ulttyq bank bazalyq mólsherlemeniń deńgeıin 16,75% dep belgilegen bolatyn.