2025 jylǵa qaraı Túrkistanǵa keletin týrıster sany artady
TÚRKІSTAN. QazAqparat - 2025 jyly Túrkistanǵa 5 mln týrıst keledi dep josparlanýda. Bul týraly oblystyq Týrızm jáne syrtqy baılanystar basqarmasynyń basshysy Oljas Shyntaev aımaq basshysy Janseıit Túımebaevtyń aldynda esep berý kezinde málimdedi, dep habarlaıdy QazAqparat tilshisi.
Oljas Shyntaevtyń sózinshe, oblys týrızm salasy tarıhı-mádenı, minájat etý, ekologııalyq jáne emdik-saýyqtyrý baǵyttary boıynsha áleýetti sanalady.
«Qyzmet kórsetý sapasyn jetildirý maqsatynda ıÝNESKO ókilderin, Túrkııa memleketiniń ekspertin, «Tour Lab» týrıstik zerthanasy mamandaryn tarta otyryp týrıstik bıznes, murajaı qyzmetkerleri, gıd-ekskýrsovodtarǵa arnalǵan semınar-trenıng ótkizildi. Elbasynyń 29 qyrkúıekte Túrkistan qalasyna resmı sapary barysynda Túrkistan qalasynda mádenı-tarıhı týrızmdi, Tólebıde (Qasqasý) taý-shańǵy týrızmin, Saryaǵashta emdeý-saýyqtyrý týrızmin damytý tapsyrylǵan», - dedi Oljas Shyntaev.
Basqarma basshysynyń aıtýynsha, 2018 jyldyń 9 aıynda týrızm salasynda ornalastyrý oryndarynan túsken jıyntyq tabys kólemi 1 mlrd 13 mln 875 myń teńgege jetken. Budan 2017 jyldyń sáıkes kezeńimen salystyrǵanda 20,1 paıyzǵa artqanyn ańǵarýǵa bolady.
Óz kezeginde aımaq basshysy oblystyń ımıdjin kóterip, sheteldik qonaqtardy qyzyqtyrý maqsatynda sapaly jarnamalyq rolıkter men fılmder daıyndaý kerektigin aıtty.
«Atalǵan kórsetkishterdi Elbasynyń oblysymyzdy qoldaýynyń arqasynda 2 esege arttyrýdy josparlap otyrmyz. Ol úshin tıisti sharalardy der kezinde atqarý mańyzdy. Máselen, týrıstik 6 baǵyt boıynsha 6 kitap shyǵarýdy tapsyramyn. Onda týrıstik nysandardyń sýretteri men málimetteri jáne marshrýttyq kartasy kórsetilýi tıis. Týrıstik kompanııalardyń arasynda básekelestikti qalyptastyrý kerek», - dedi Janseıit Túımebaev.
Aıta ketý kerek, bıyl oblystyń úsh týrısttik nysany Álemdik týrıstik tartymdylyq tizimine enip otyr. Aldaǵy ýaqytta týrızm ındýstrııasynyń mýltıplıkatıvttik effektisin eskerip, barlyq baǵyttar jáne tapsyrmalar men mindetter oryndalatyn bolady.
