2025 jylǵa qaraı munaı ónimderin óndirý 15,3 mln tonnaǵa jetedi - Myrzaǵalıev
«Qysqa jáne orta merzimdi perspektıvada óndiristi odan ári arttyrý úshin birqatar is-sharalar josparlanǵan. Bıyl Aqtaý bıtým zaýytynda bıtým óndirý blogyn jańǵyrtý aıaqtalady. Bul óndiris qýatyn jylyna 400 450 myń tonnaǵa deıin ulǵaıtady», - dedi óńdeý ónerkásibin damytý týraly baıandaǵan mınıstr.
Onyń aıtýynsha, Túrkistan oblysynda jeke ınvestorlarmen munaı óńdeý zaýyttaryn salý boıynsha jobalar júzege asyrylýda. Olardy 2023 jyly aıaqtaý josparlanyp otyr.
«Birinshi joba - «Standart Retroleum & So». Jobanyń munaıdy qaıta óńdeý qýaty 2 mln tonnaǵa teń. Ekinshisi – jylyna 100 myń tonna kómirden qaıta óndeý arqyly sıntetıkalyq munaı óndirýge múmkindik beretin «Standart Resorsız» jobasy. Al keıin odan munaı ónimderi shyǵarylady», - dedi ol.
Mınıstr 2025 jyly Pavlodar munaı óńdeý zaýytynda deparafındeý blogymen biriktire otyryp, gıdrotazartý qondyrǵysyn jańǵyrtý jónindegi joba iske asyrylatyndyǵyn aıtty. Jańǵyrtý nátıjesinde buryn zaýytta óndirilmegen 160 myń tonna qystyq dızel otyny shyǵarylady.
«Joǵaryda kórsetilgen is-sharalardy iske asyrýdyń arqasynda munaı ónimderin óndirý kólemi 2025 jylǵa qaraı 2.2 mln tonnaǵa deıin artyp, 15,3 mln tonnany quraıtyn bolady. Tartylatyn ınvestıtsııalar kólemi 148,5 mlrd teńgeni quraıdy», - dedi Maǵzum Myrzaǵalıev.
