2025 jylǵa qaraı Qazaqstanda respýblıkalyq joldardyń 30 paıyzy aqyly bolady
ASTANA. QazAqparat - 2025 jylǵa qaraı Qazaqstanda respýblıkalyq joldardyń 30 paıyzy aqyly bolady. Bul jaıynda Tótenshe jaǵdaılardyń aldyn alý jáne olardy joıý jónindegi vedomstvoaralyq memlekettik komıssııanyń otyrysynda QR Investıtsııalar jáne damý birinshi vıtse-mınıstri Jeńis Qasymbek aıtty.
«2025 jylǵa qaraı aqyly joldardyń kólemin shamamen 7 myń shaqyrymǵa jetkizýdi josparlap otyrmyz. ıAǵnı, respýblıkalyq joldardyń 30 paıyzy aqyly bolady», - dedi ol.
J.Qasymbektiń atap ótýinshe, aqyly «Astana-Şýche» avto joly ótken jyly 1,3 mlrd. teńge kiris alǵan. Al sol joldy kútip ustaýǵa 1 mlrd. teńge qajet.
«ıAǵnı, jol ózin aqtap otyr. Bul normatıvterge tolyǵymen saı ózin ózi qamtamasyz etip otyrǵan jalǵyz jol. Basqarýshy kompanııa artylǵan aqshaǵa atalǵan joldy kútip ustaýǵa qajetti tehnıka satyp alýdy josparlap otyr», - dedi birinshi vıtse-mınıstr.
Onyń alǵa tartqan derekterine sáıkes, aldaǵy ýaqytta «Astana-Qaraǵandy», «Almaty-Qapshaǵaı» jáne «Astana-Pavlodar» joldary aqyly bolady.
