2025 jylǵa qaraı Qazaqstan mektepterinde oryn tapshylyǵy bolýy múmkin

NUR-SULTAN. QazAqparat – QR Úkimet basshysynyń orynbasary Roman Sklıar memlekettik-jekeshelik seriktestik jelisi boıynsha mektep qurylysyna qatysty suraqqa jaýap berdi, dep habarlaıdy QazAqparat tilshisi.

«Qazirgi kezde el boıynsha mekteptegi oryn tapshylyǵy 243 myńǵa jetip otyr, úsh aýysymdaǵy oqytý 137 mektepte júrgiziledi. Óndiristik esepteýlerge sáıkes, 2025 jylǵa qaraı atalǵan oryndardyń tapshylyǵy 474 myń bolýy múmkin. Buǵan demografııalyq ári kóshi-qon protsesteri, mektep ǵımarattarynyń tozýy áser etedi. Alaıda memlekettik mektepter qurylysynyń qarqyny halyqtyń demografııasy men mıgratsııasyna saı kelmeı tur», - delingen R. Sklıardyń depýtattyq saýalǵa bergen jaýabynda.

Oryn tapshylyǵy, úsh aýysymdaǵy oqytý jáne apatty mektep ǵımaraty máselelerin sheshý úshin áleýmettik ınfraqurylymdy damytýdyń qarqyndy qadamdary kerek.

«Bıýdjetke bir mezgilde eleýli júktemeni boldyrmaý maqsatynda iri zamanaýı mektepter qurylysy memlekettik-jekeshelik seristestik modeli boıynsha josparlanyp otyr», - dep tolyqtyrdy Úkimet basshysynyń orynbasary.